இந்தியாவில் வரும் 5ம் தேதி சாம்சங் கேலக்சி F12 ஸ்மார்ட்போன் அறிமுகமாகவுள்ளது.
சாம்சங் கேலக்சி F12 மொபைல்போன் வரும் 5ம் தேதி இந்தியாவில் அறிமுகமாகவுள்ளது. இந்நிலையில், இந்த ஸ்மார்ட்போன் சந்தைக்கு வருவதற்கு முன்பாக இதன் சிறப்பம்சங்கள் பெஞ்ச்மார்க் தளமான கீக்பெஞ்ச்சில் பட்டியலிடப்பட்டுள்ளது. மேலும், ஃபிளிப்கார்ட்டிலும் இந்த மொபைல் இடம்பெற்றுள்ளது. இதன்மூலம் இந்த மொபைல் சந்தையில் அறிமுகமான உடனே ஃபிளிப்கார்ட்டில் வாங்க முடியும் என்பது தெரிகிறது.
வரவிருக்கும் சாம்சங் கேலக்ஸி F12 ஸ்மார்ட்போனானது கீக்பெஞ்ச்சில் மாடல் எண் எஸ்.எம்-G127G என குறிப்பிடப்பட்டுள்ளது. அதில் குறிப்பிட்டுள்ள தகவலின்படி இந்த ஸ்மார்ட்போனானது அண்ட்ராய்டு 11 இல் இயங்கும் எனவும் இதில், 4 ஜிபி ரேம், எக்ஸினோஸ் 850 SoC புராசசர் பயன்படுத்தப்பட்டுள்ளது என்பதும் தெரிகிறது.
ஃபிளிப்கார்ட் தனது தளத்தில் வெளியிட்டுள்ள தகவலின்படி இந்த மொபைலானது 6,000 MAH பேட்டரி மற்றும் 90Hz டிஸ்ப்லே அமைப்பை கொண்டுள்ளது. அத்துடன் 48 மெகாபிக்சல் பின்புற கேமராவுடன் குவாட் ரியர் கேமரா அமைப்பை கொண்டுள்ளது. இதில் சார்ஜிங்க்காக USB Type-C போர்ட் மற்றும் 3.5mm ஹெட்போன் ஜாக்கைக் கொண்டுள்ளது.
