பெட்ரோல், டீசல் விலை இன்றும் உயர்ந்துள்ளது.
சர்வதேச சந்தையில் நிலவும் கச்சா எண்ணெய் விலை மற்றும் டாலருக்கு எதிரான இந்திய ரூபாயின் மதிப்பு ஆகியவற்றின் அடிப்படையில் பெட்ரோல், டீசல், சமையல் கியாஸ் சிலிண்டர் விலையை எண்ணெய் நிறுவனங்கள் நிர்ணயம் செய்து வருகின்றன.
இந்த நிலையில், 137 நாட்களுக்குப் பிறகு பெட்ரோல், டீசல் விலை கடந்த மார்ச் 22 ஆம் தேதி பெட்ரோல், டீசல் விலை லிட்டருக்கு 76 காசுகள் உயர்ந்தது. அதன்பிறகு தொடர்ச்சியாக பெட்ரோல், டீசல் விலை நாளுக்கு நாள் அதிகரித்து வருகிறது.
அதன்படி, சென்னையில் ஒரு லிட்டர் பெட்ரோல் விலை 28 காசுகள் உயர்ந்து 105 ரூபாய் 18 காசுகளுக்கு விற்பனை செய்யப்பட்டு வருகிறது. இதேபோல் ஒரு லிட்டர் டீசல் விலையும் 33 காசுகள் உயர்ந்து 95 ரூபாய் 33 காசுகளுக்கு விற்பனை செய்யப்பட்டு வருகிறது.
கடந்த 6 நாட்களில் பெட்ரோல் விலை லிட்டருக்கு 3 ரூபாய் 78 காசுகளும், டீசல் விலை 3 ரூபாய் 90 காசுகளும் உயர்ந்துள்ளது.
