தமிழ்நாட்டில் மருத்துவப் படிப்புகளில் அரசு உதவி பெறும் பள்ளி மாணவர்களுக்கு 2 புள்ளி 5 சதவீத உள் ஒதுக்கீடு வழங்குவது தொடர்பாக இன்று ஆலோசனை நடைபெறவுள்ளது.
தமிழ்நாட்டில் மருத்துவப் படிப்பில் அரசுப் பள்ளி மாணவர்களுக்கு 7.5% உள் இட ஒதுக்கீடு அமலில் உள்ளது. இந்நிலையில், அரசு உதவி பெறும் பள்ளி மாணவர்களுக்கும் 2.5% உள் இட ஒதுக்கீடு வழங்குவது தொடர்பாக இன்று ஆலோசனை நடைபெறவுள்ளது.
அரசுப்பள்ளி மாணவர்களுக்கு 10% உள் இட ஒதுக்கீடு வழங்கலாம் என்று ஓய்வு பெற்ற நீதிபதி கலையரசன் தலைமையிலான குழு அரசுக்கு பரிந்துரைத்தது. இதை பயன்படுத்தி உடனடியாக 2.5% இட ஒதுக்கீட்டை அரசு உதவி பெறும் பள்ளி மாணவர்களுக்கு, தமிழ்நாடு அரசு வழங்க வாய்ப்புள்ளதாக தகவல் வெளியாகியுள்ளது.
இந்த ஆலோசனை கூட்டத்தில் மக்கள் நல்வாழ்வுத்துறை அமைச்சர் மா.சுப்பிரமணியன், பள்ளிக்கல்வித்துறை அமைச்சர் அன்பில் மகேஷ் பொய்யாமொழி மற்றும் உயரதிகாரிகள் பங்கேற்கவுள்ளனர்.
