நடிகை மாளவிகா மோகனனின் பிறந்தநாளையொட்டி அவரது ‘தங்கலான்’ பட தோற்றத்தை படக்குழு வெளியிட்டுள்ளது.
பொன்னியின் செல்வன் திரைப்படத்திற்கு பிறகு நடிகர் விக்ரம் இயக்குநர் பா.ரஞ்சித்துடன் இணையும் படம் ‘தங்கலான். ரஞ்சித் ‘நட்சத்திரம் நகர்கிறது. படத்துக்குப் பிறகு இந்தப் படத்தை இயக்குகிறார். ஜி.வி.பிரகாஷ்குமார் இசையமைக்கிறார். நடிகை பார்வதி, மாளவிகா மோகனன் உள்ளிட்ட பலர் நடிக்கின்றனர்.
இந்தப் படப்பிடிப்பின்போது நடிகர் விக்ரமின் விலா எலும்பில் பாதிப்பு ஏற்பட்ட நிலையில், அவர் சிகிச்சை பெற்று வந்தார். இதனால் சென்னையில் படப்பிடிப்பு தொடங்குவதில் காலதாமதம் ஏற்பட்டது.
பின்னர் விக்ரம் குணமான நிலையில் படப்படிப்பு சென்னையில் நடைபெற்றது. தற்போது படப்பிடிப்பு நிறைவடைந்ததாக செய்திகள் வெளியாகியுள்ளன. கோலார் தங்க சுரங்கத்தில் தமிழர்கள் பட்ட துயரத்தை அடிப்படையாகக் கொண்டு எடுக்கப்பட்ட திரைப்படம் என்பதால் இதன் மீதான எதிர்பார்ப்பு அதிகரித்துள்ளது.
இந்நிலையில், நடிகை மாளவிகா மோகனனின் பிறந்தநாளையொட்டி அவரது ‘தங்கலான்’ பட தோற்றத்தை படக்குழு வெளியிட்டுள்ளது. இந்த போஸ்டர் தற்போது மாளவிகா மோகனன் ரசிகர்களால் அதிகம் பகிரப்பட்டு வருகிறது. இந்தாண்டு இறுதிக்குள் இப்படத்தை வெளியிட படக்குழு திட்டமிட்டுள்ளது.
