தமிழ்நாட்டில் 9 மாவட்ட ஊரக உள்ளாட்சித் தேர்தலுக்கான வேட்புமனுத்தாக்கல் நிறைவடைந்தது.
தமிழ்நாட்டில் 9 மாவட்டங்களில் ஊரக உள்ளாட்சி தேர்தல் அடுத்த மாதம் 6 மற்றும் 9 ஆகிய தேதிகளில் நடத்தப்படவுள்ளது. இதற்கான வேட்புமனு தாக்கல் கடந்த 15-ம் தேதி தொடங்கி நடைபெற்று வந்த நிலையில், மாலை 5 மணியுடன் நிறைவடைந்தது. இதில் நேற்றுவரை 64 ஆயிரத்து 299 வேட்புமனுக்கள் பெறப்பட்டுள்ளதாக மாநில தேர்தல் ஆணையம் தெரிவித்துள்ளது.
இந்த வேட்புமனுக்கள் மீதான பரிசீலனை நாளை நடைபெறவுள்ளது. வரும் 25-ம் தேதி வரை வேட்புமனுக்களை திரும்பப்பெறலாம் எனவும் அன்றைய நாளே இறுதி வேட்பாளர் பட்டியல் வெளியிடப்படும் எனவும் மாநில தேர்தல் ஆணையம் அறிவித்துள்ளது. தாக்கல் செய்யப்பட்ட மொத்த வேட்புமனுக்களின் எண்ணிக்கை குறித்த விவரம் இன்று இரவு வெளியாகும் என எதிர்பார்க்கப்படுகிறது.
