ஜெயம் ரவி நடிப்பில் உருவாகியுள்ள இறைவன் திரைப்படத்தின் ட்ரெய்லர் வரும் செப்டம்பர் 3 (நாளை) வெளியாகும் என அறிவிக்கப்பட்டுள்ளது.
வாமனன், ‘என்றென்றும் புன்னகை, உள்ளிட்ட படங்களை இயக்கிய அஹமத் இயக்கத்தில் ஜெயம் ரவி நடிக்கும் படம் ‘இறைவன். நயன்தாரா நாயகியாக நடிக்கும் இப்படத்திற்கு யுவன்சங்கர் ராஜா இசையமைக்கிறார். தனி ஒருவன் படத்திற்கு பிறகு ஜெயம் ரவியும், நயன்தாராவும் மீண்டும் இந்தப் படத்தில் இணைந்துள்ளனர்.
புதுச்சேரி உள்ளிட்ட பகுதிகளில் விறுவிறுப்பாக நடைபெற்ற படப்பிடிப்பு கடந்த ஆண்டு நவம்பர் மாதம் நிறைவடைந்தது. ஆகஸ்ட் 25-ம் தேதி படம் ரிலீசாகும் என அறிவிக்கப்பட்டது., இந்நிலையில், வரும் செப்டம்பர் 3-ம் தேதி படத்தின் ட்ரெய்லர் வெளியாகும் என அறிவிக்கப்பட்டுள்ளது. இந்தப் படத்தைத் தொடர்ந்து நடிகர் ஜெயம் ரவி, ‘சைரன்’, ‘ஜெஆர்30’, ‘தனிஒருவன் 2’ உள்ளிட்ட படங்களில் நடித்து வருவது குறிப்பிடத்தக்கது.
