நெல்சன் திலீப்குமாரின் இயக்கத்தில் ரஜினிகாந்த் நடிக்கும் ‘ஜெயிலர்’ திரைப்படத்தின் 2வது பாடலான ‘ஹுகும்’ 17 ஆம் தேதி வெளியாகிறது.
தமிழ் சினிமாவில் உச்ச நட்சத்திரமாக திகழ்பவர் ரஜினிகாந்த். இவர் தற்போது இயக்குநர் நெல்சன் திலீப்குமாரின் ’ஜெயிலர்’ திரைப்படத்தில் நடித்து வருகிறார். இந்த திரைப்படத்தில் ரம்யா கிருஷ்ணன், தமன்னா, விநாயகன், யோகி பாபு உள்ளிட்டோர் நடித்து வருகின்றனர். ’ஜெயிலர்’ படம் ஆகஸ்ட் மாதம் 10-ம் தேதி திரையரங்குகளில் வெளியாகவுள்ளது. இந்த திரைப்படத்தை சன் பிக்சர்ஸ் தயாரித்துள்ளது.
இதனிடையில் ‘தலைவர் 170’ படத்தை டி.ஜே.ஞானவேல் இயக்கவுள்ளார். இந்த திரைப்படத்தை லைகா புரொடக்சன்ஸ் நிறுவனம் சார்பாக சுபாஷ்கரண் தயாரிக்கவுள்ளார். ‘ஜெய் பீம்’ படத்தின் மூலம் பெரும் வரவேற்பை பெற்ற ஞானவேல் இயக்கத்தில் ரஜினி நடிப்பது ரசிகர்கள் மத்தியில் எதிர்பார்ப்பை ஏற்படுத்தியுள்ளது.
இதேபோல இயக்குநர் லோகேஷ் கனகராஜ் தற்போது விஜய் நடித்து வரும் ’லியோ’ என்ற படத்தை இயக்கி வருகிறார். இந்த படத்தை முடித்துவிட்டு அவர் ரஜினியின் ‘தலைவர் 171’ படத்தை லோகேஷ் இயக்க இருப்பதாக கூறப்படுகிறது. இந்த படத்தில் ரஜினியுடன் தானும் நடிப்பதாக இயக்குநர் மிஷ்கின் நேர்காணல் ஒன்றில் கூறி தகவலை உறுதிப்படுத்தியுள்ளார்.
’ஜெயிலர்’ படத்தின் இசை வெளியீட்டு விழா ஜூலை மாத இறுதியில் சென்னை நேரு உள்விளையாட்டு அரங்கில் பிரம்மாண்டமாக நடைபெற உள்ளதாக தகவல் வெளியானது. ஜெயிலர் படத்தின் முதல் பாடலான ‘காவாலா’ கடந்த 6-ஆம் தேதி வெளியாகி பெருத்த வரவேற்பை பெற்றுள்ளது. இந்நிலையில் ஜெயிலர் திரைப்படத்தின் இரண்டாம் பாடல் குறித்த தகவல் நாளை வெளியாகும் என படக்குழு அறிவித்துள்ளது.
#Hukum 🔥🔥🔥
Thalaivar Superstar @rajinikanth kattalai 🥁🥁🥁
Get ready for the explosion 💥💥💥#JailerSecondSingle from 17th July 🥳🥳🥳@Nelsondilpkumar @sunpictures pic.twitter.com/YrtxrfFloY
— Anirudh Ravichander (@anirudhofficial) July 13, 2023
இது தொடர்பாக ஜெயிலர் திரைப்படத்தை தயாரிக்கும் சன் பிக்சர்ஸ் ட்விட்டர் பக்கத்தில் தகவல் வெளியிடப்பட்டுள்ளது. ‘ஜெயிலர்’ திரைப்படத்தின் 2வது பாடலான ‘ஹுகும்’ 17 ஆம் தேதி வெளியாகிறது என தெரிவிக்கப்பட்டுள்ளது.
