31.7 C
Chennai
June 17, 2024
முக்கியச் செய்திகள் விளையாட்டு

ஐபிஎல் இறுதிப் போட்டி : KKR அணிக்கு 114 ரன்கள் இலக்காக நிர்ணயத்தது SRH!

2024 ஐபிஎல் சீசனின் இறுதிப் போட்டியில் கொல்கத்தா நைட் ரைடர்ஸ் அணிக்கு எதிராக 113 ரன்களுக்கு ஆல் அவுட் ஆனது சன்ரைசர்ஸ் ஹைதராபாத் அணி. 

ஐபிஎல்2024 மார்ச் 22ம் தேதி தொடங்கி தற்போது இறுதி கட்டத்தை எட்டியுள்ளது. மொத்தமாக 10 அணிகள் பங்கேற்ற இத்தொடரில், நடப்பு சாம்பியன்ஸான சென்னை சூப்பர் கிங்ஸ் அணி ப்ளே ஆஃப் சுற்றுக்கு தகுதி பெறாமலேயே வெளியேறியது. இது ரசிகர்களிடையே பெரும் கவலையை ஏற்படுத்தியது. இந்நிலையில் ஐபிஎல் 2024 இறுதிப்போட்டி இன்று சென்னை சேப்பாக்கத்தில் உள்ள சிதம்பரம் மைதானத்தில் நடைபெறுகிறது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

புள்ளிப்பட்டியலில் முதல் இரண்டு இடத்தில் இருந்த கொல்கத்தா நைட் ரைடர்ஸ் அணியும், சன்ரைசர்ஸ் ஹைதராபாத் அணியும் மோதுகின்றன. கடந்த 21ம் தேதி குவாலிபயர் 1 போட்டி நடைபெற்றது. இதில் 8 விக்கெட்டுகள் வித்தியாசத்தில் வெற்றி பெற்ற கொல்கத்தா நேரடியாக இறுதிப்போட்டிக்கு முன்னேறியது. இதில் தோல்வி அடைந்த சன்ரைசர்ஸ் ஹைதராபாத் அணி, ராஜஸ்தான் அணியுடன் குவாலிபயர் 2 சுற்றில் போட்டியிட்டது. இதில் வெற்றி பெற்ற சன்ரைசர்ஸ் ஹைதராபாத் அணி இறுதிப்போட்டிக்கு முன்னேறியது.

இதுவரை கொல்கத்தா நைட் ரைடர்ஸ் அணி மூன்று முறை இறுதிப்போட்டிக்கு முன்னேறி இரண்டு முறை சாம்பியன் பட்டத்தை வென்றுள்ளது. கொல்கத்தா நைட் ரைடர்ஸ் அணி இறுதிப்போட்டிக்கு செல்வது நான்காவது முறை. அதுபோல சன்ரைசர்ஸ் ஹைதராபாத் அணி இதுவரை இரண்டு முறை இறுதிப்போட்டிக்குள் சென்றுள்ளது. இதில் ஒருமுறை மட்டுமே சாம்பியன் பட்டம் வென்றுள்ளது. இது இறுதிபோட்டிக்கு முன்னேறிய மூன்றாவது முறை. ரசிகர்களிடையே எந்த அணி கோப்பையை வெல்லும் என்னும் ஆர்வம் அதிகரித்துள்ளது.

இந்நிலையில், அனைவரும் ஆவலுடன் எதிர்பார்த்து கொண்டிருந்த ஐபிஎல் இறுதிபோட்டிக்கான டாஸ் போடப்பட்டது. இதில் கொல்கத்தா நைட் ரைடர்ஸ் அணிக்கு எதிரான போட்டியில் டாஸ் வென்ற சன்ரைசர்ஸ் ஹைதராபாத் அணி பேட்டிங் தேர்வு செய்தது.

இதையும் படியுங்கள் : நீதிபதி ஜி.ஆர்.சுவாமிநாதன் மீது உச்சநீதிமன்ற தலைமை நீதிபதியிடம் புகார்! கொளத்தூர் மணி கடிதம்!

சன்ரைசர்ஸ் ஹைதராபாத் அணியின் தொடக்க ஆட்டக்காரர்கள் அபிஷேக் சர்மா மற்றும் டிராவிஸ் ஹெட் களமிறங்கினர். அபிஷேக், 2 ரன்களில் வெளியேறினார். முதல் பந்தில் ரன் ஏதும் எடுக்காமல் டிராவிஸ் ஹெட் ஆட்டமிழந்து வெளியேறினார். தொடர்ந்து ராகுல் திரிபாதியும் 9 ரன்களில் ஆட்டமிழந்தார்.

அடுத்தடுத்து களமிறங்கிய நிதிஷ் ரெட்டி, மார்க்ரம், ஷாபாஸ் அகமது, அப்துல் சமாத், கிளாசன் ஆகியோரும் ஆட்டமிழந்தனர். இதையடுத்து, 18.3 ஓவர்கள் முடிவில் 113 ரன்களை எடுத்துள்ளனர்.  இந்தப் போட்டியில் கொல்கத்தா அணியின் ரசல் 3 விக்கெட்டுகளை வீழ்த்தி அசத்தினார். ஸ்டார்க், ஹர்ஷித் ராணா ஆகியோர் தலா 2 விக்கெட்டுகள் வீழ்த்தினர். வைபவ் அரோரா, வருண் சக்கரவர்த்தி, சுனில் நரைன் தலா 1 விக்கெட் வீழ்த்தினர். தற்போது கொல்கத்தா நைட் ரைடர்ஸ் அணிக்கு 114 ரன்களை இலக்காக நிர்ணயக்கப்பட்டுள்ளது. இதன் வாயிலாக ஐபிஎல் வரலாற்றிலேயே இறுதிப் போட்டியில் மிகக் குறைந்த இலக்கை நிர்ணயித்த அணி சன்ரைசர்ஸ் ஹைதராபாத் என்பது பதிவாகியுள்ளது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.

Share to KooShare to WhatsappShare to PinterestShare to Telegram

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy

Discover more from News7 Tamil

Subscribe now to keep reading and get access to the full archive.

Continue reading