ஹிப்ஹாப் தமிழா ஆதி நடிப்பில் உருவாகியுள்ள ’வீரன்’ திரைப்படத்தின் மூன்றாவது பாடலான ”வீரன் திருவிழா” வெளியாகியுள்ளது.
நடிகரும் இசையமைப்பாளருமான ‘ஹிப்ஹாப் தமிழா’ஆதி நடித்துள்ள படம் ‘வீரன்’. சத்யஜோதி பிலிம்ஸ் நிறுவனம் தயாரித்துள்ள இந்த படத்தை ‘மரகதநாணயம்’ படத்தை இயக்கிய ஏ.ஆர்.கே சரவணன் இயக்கியுள்ளார்.
இந்தப் படத்தின் பர்ஸ்ட் லுக் போஸ்டர், ஹிப்ஹாப் தமிழா ஆதியின் பிறந்தநாளை முன்னிட்டு வெளியாகியிருந்தது. இதற்கு பெருத்த வரவேற்பும் ரசிகர்கள் மத்தியில் கிடைத்திருந்தது. குறிப்பாக சூப்பர் ஹீரோ கெட் அப்பில் செம்ம மாஸாக இருக்கும் ஹிப்ஹாப் ஆதியின் புகைப்படத்துடன் கூடிய அந்த பர்ஸ்ட் லுக் போஸ்டர் படத்தின் மீதான எதிர்பார்ப்பை எகிற வைத்திருந்தது.
இதையும் படியுங்கள் : 2020 வீழ்ச்சி, 2021 கோப்பை, 2022 வீழ்ச்சி, 2023…?? – கம்பேக் கொடுக்குமா தோனி & கோ??
தொடர்ந்து இப்படத்தில் இடம்பெற்ற ’தண்டர்காரன்’ பாடலும், ‘பப்பர மிட்டாய்’ பாடலும் வெளியாகி கவனம் ஈர்த்தது. அத்துடன் ட்ரெய்லரரும் வெளியாகி மிகுந்த வரவேற்பைப் பெற்றிருந்தது. இந்நிலையில் தற்போது இப்படத்தின் மூன்றாவது பாடலான ’வீரன் திருவிழா’ வெளியாகியுள்ளது. துள்ளலான இசையில் உருவாகியுள்ள இப்பாடல் ரசிகர்களிடம் நல்ல வரவேற்பை பெற்று வருகிறது.
