முக்கியச் செய்திகள் இந்தியா

குரூப் கேப்டன் வருண் சிங்கிற்கு பெங்களூருவில் தீவிர சிகிச்சை

ஹெலிகாப்டர் விபத்தில் படுகாயங்களுடன் மீட்கப்பட்ட விமானி வருண் சிங்கிற்கு, பெங்களூருவில் உள்ள விமானப்படை மருத்துவமனையில் தீவிர சிகிச்சை அளிக்கப்பட்டு வருகிறது.

குன்னூர் ஹெலிகாப்டர் விபத்தில் முப்படை தலைமை தளபதி பிபின் ராவத், அவர் மனைவி மதுலிகா ராவத் உள்பட 13 பேர் உயிரிழந்தனர். இந்த சம்பவம் நாடு முழுவதை யும் சோகத்தில் ஆழ்த்தியது. உயிரிழந்த 13 பேரின் உடல்கள் டெல்லி கொண்டு செல்லப் பட்டு, பாலம் விமானப்படை தளத்தில் அஞ்சலிக்காக வைக்கப்பட்டது. பிரதமர் மோடி, பிபின் ராவத்தின் உடலுக்கு மலர்வளையம் வைத்தும், மதுலிக்கா மற்றும் ராணுவ அதிகாரிகள் உடல்கள் அடங்கிய பெட்டிகளுக்கு மலர்த்தூவி அஞ்சலி செலுத்தினார். பின்னர், பிபின் ராவத்தின் மகள்கள் மற்றும் உயிரிழந்த ராணுவ அதிகாரிகளின் குடும்பங்களுக்கு பிரதமர் மோடி ஆறுதல் தெரிவித்தார்.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

விபத்து நடத்த பகுதி

இந்த விபத்தில் 13 பேர் உயிரிழந்த நிலையில், குரூப் கேப்டன் வருண் சிங் மட்டும் படுகாயங்களுடன் மீட்கப்பட்டார். குன்னூர் வெலிங்டன் மருத்துவமனையில் அவருக்கு சிகிச்சை அளிக்கப்பட்டு வந்த நிலையில், மேல் சிகிச்சைக்காக பெருங்களூரு விமானப் படை மருத்துவமனையில் அனுமதிக்கப்பட்டுள்ளார். குரூப் கேப்டன் வருணுக்கு 80 சதவீத அளவுக்கு தீக்காயம் ஏற்பட்டுள்ள நிலையில், அவருக்கு உயிர்க்காக்கும் சிகிச்சை அளிக்கப்பட்டு வருவதாகக் கூறப்படுகிறது.

இதனையறிந்த கர்நாடகா ஆளுநர் தாவர்சந்த் கெலாட் மற்றும் முதலமைச்சர் பசவராஜ் பொம்மை ஆகியோர் பெங்களூர் விமானப்படை மருத்துவனைக்கு சென்றனர். அங்கு குரூப் கேப்டன் வருண்சிங்கிற்கு அளிக்கப்பட்டு வரும் சிகிச்சை மற்றும் உடல்நிலை குறித்து கேட்டறிந்தனர்.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

“ஆழமான அர்த்தம் கொண்டது அக்னிபத் திட்டம்” – நடிகை கங்கனாரனாவத்

Web Editor

வாரம் ஒரு முறை மெகா தடுப்பூசி முகாம்: இறையன்பு தகவல்

EZHILARASAN D

நிலக்கரி பற்றாக்குறை; அமைச்சர்களுடன் அமித்ஷா ஆலோசனை

G SaravanaKumar