தங்கம் மற்றும் வெள்ளி விலைகள் தொடர்ந்து ஏற்ற இறக்கங்களை சந்தித்து வருகின்றன. சர்வதேச சந்தை நிலவரம், அமெரிக்க டாலரின் மதிப்பு உள்ளிட்ட பல்வேறு காரணங்களால் தினசரி விலையில் மாற்றங்கள் ஏற்படுகின்றன.
இதனிடையே நேற்று தங்கம் விலை சவரனுக்கு ரூ.200 உயர்ந்து ரூ.1,02,400-க்கும், ஒரு கிராமுக்கு ரூ.25 உயர்ந்து ரூ.12,800-க்கும் விற்பனையானது. இந்த நிலையில் இன்று காலையில் தங்கம் விலை உயர்ந்தது. அதன்படி, சென்னையில் ஆபரண தங்கத்தின் விலை இன்று காலை கிராமுக்கு ரூ.25 உயர்ந்து ரூ.12,825-க்கும், சவரனுக்கு ரூ.200 உயர்ந்து ரூ.1,02,600-க்கு விற்பனையானது. வெள்ளி விலையில் இன்று மாற்றம் இல்லை. ஒரு கிராம் வெள்ளி ரூ.200-க்கும், ஒரு கிலோ ரூ.2 லட்சத்திற்கும் விற்பனையானது.
இந்த நிலையில் தங்கம் விலை மீண்டும் உச்சத்தை தொட்டுள்ளது. சென்னையில் இன்று ஆபரணத் தங்கம் காலையில் சவரனுக்கு ரூ. 200 உயர்ந்திருந்த நிலையில், தற்போது ரூ.2200 உயர்ந்து ரூ.1,04,800-க்கும், ஒரு கிராம் தங்கம் ரூ.275 உயர்ந்து ரூ.13,100-க்கு விற்பனை செய்யப்படுகிறது. அதேபோல் வெள்ளி விலையில் மாற்றம் இல்லாமல் இருந்த நிலையில், தற்போது 1 கிலோ வெள்ளி ரூ.10,000 உயர்ந்து, ரூ.2,10,000-க்கு, ஒரு கிராம் வெள்ளி ரூ.10 உயர்ந்து ரூ.210-க்கு விற்பனை செய்யப்படுகிறது.
