சூர்யா நடிப்பில் உருவாகியுள்ள ‘கங்குவா’ திரைப்படம் முதல் நாளில் உலகளவில் ரூ.40 கோடி வசூலித்துள்ளதாக தகவல் வெளியாகியுள்ளது.
சிறுத்தை சிவா இயக்கத்தில் சூர்யா நடிப்பில் உருவாகியுள்ள திரைப்படம் ‘கங்குவா’. இப்படத்தை ஸ்டூடியோ கிரீன் மற்றும் யுவி கிரியேஷன்ஸ் இணைந்து தயாரிக்க திஷா பதானி, பாபி தியோல், யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படத்திற்கு தேவி ஸ்ரீபிரசாத் இசையமைத்துள்ளார். பெரிய படமாக உருவாகியுள்ள இப்படம், பெரும் எதிர்பார்ப்புகளுக்கு மத்தியில் நேற்று (நவ.14) திரையரங்குகளில் வெளியானது. இத்திரைப்படம் ரசிகர்கள் மத்தியில் கலவையான விமர்சனங்களை பெற்றுள்ளது.
இதையும் படியுங்கள் : Ariyalur | ரூ.120 கோடி மதிப்பிலான புதிய திட்டங்களுக்கு அடிக்கல் நாட்டினார் முதலமைச்சர் #MKStalin!
இந்த நிலையில், ‘கங்குவா’ படம் முதல் நாளில் எவ்வளவு வசூலித்துள்ளது என்பது குறித்த தகவல் வெளியாகி உள்ளது. அதன்படி, இப்படம் முதல் நாளில் உலகளவில் ரூ.40 கோடி வசூலித்துள்ளதாக கூறப்படுகிறது. இதில், இந்தியாவில் மட்டும் ரூ. 22 கோடி வசூலித்துள்ளதாக சொல்லப்படுகிறது. மேலும் கங்குவா, தமிழ் நாட்டில் ரூ.13.65 கோடியும், கேரளாவில் ரூ. 4 கோடியும், இந்தியில் ரூ. 3.25 கோடியும் வசூல் ஈட்டியுள்ளதாக தகவல் வெளியாகி உள்ளது. விரைவில் இது குறித்த அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.
