‘விடுதலை’ முதல் பாகத்தின் படப்பிடிப்பு முடிந்துள்ள நிலையில் இறுதிக்கட்ட பணிகளை மேற்கொண்டு வருகின்றனர் இயக்குநர் வெற்றிமாறன்.
அசுரன்’ படத்திற்குப் பின் விஜய் சேதுபதி, சூரியை வைத்து ‘விடுதலை’ படத்தை இயக்கிவருகிறார் வெற்றிமாறன். ஜெயமோகன் எழுதியுள்ள துணைவன் என்ற நாவலை அடிப்படையாகக் கொண்டு விடுதலைத் திரைப்படம் உருவாக்கப்பட்டு வருகிறது. இந்த, கதை முழுமையாகச் சினிமா ரசிகர்களைச் சென்றடைய வேண்டும் என்று வெற்றி மாறன் விரும்பியதால் 2 பாகங்களாக இப்படத்தை வெளியிடவுள்ளதாகத் தகவல்கள் தெரிவிக்கின்றன.
உதயநிதி ஸ்டாலின் நிறுவனம் ரெட் ஜெயண்ட் மூவீஸ் நிறுவனம் பல புதிய படங்களைத் தயாரித்தும், வெளியிட்டும் வருகிறது. அந்த வகையில் இந்த பாடத்தையும் இன்போடைமெண்ட் தயாரிப்பு நிறுவனத்துடன் இணைந்து ரெட் ஜெயண்ட் மூவீஸ் நிறுவனம் விடுதலை படத்தை வழங்குகிறது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
மேலும் கடந்த ஓராண்டிற்கும் மேல் இப்படத்தை வெற்றி மாறன் இயக்கி வருகிறார். சத்தியமங்கலம், ஈரோடு போன்ற காட்டுப் பகுதியில் விடுதலை படப்பிடிப்பு நடத்தப்பட்டது. வழக்கமாகக் காமெடியனாக நடிக்கும் சூரி, இந்தப் படத்தில் போலீசாகவும், கைதியாக விஜய் சேதுபதியும் நடித்துவருகிறார்.
விடுதலை முதல் பாகத்தின் படப்பிடிப்பு முடிந்துள்ள நிலையில் இறுதிக்கட்ட பணிகளை மேற்கொண்டு வருகின்றனர். வெற்றிமாறன் விடுதலை படத்தில் இடம்பெறவுள்ள ஒரு பிரமாண்டமான சண்டைக் காட்சியைப் படமாக்கிவருவதாகக் கூறப்பட்டது.
இந்தச் சண்டைக் காட்சி விடுதலை முதல் பாகத்தின் க்ளைமாக்ஸாகவும் இரண்டாம் பாகத்தின் தொடர்ச்சியாகவும் அமையும் எனக் கூறப்படுகிறது. இந்தப் படப்பிடிப்பில் தான் இரண்டாம் பாகத்தில் இடம்பெறவுள்ள புதிய கதாபாத்திரங்கள் இணையவுள்ளதாகக் கூறப்பட்டது. இந்த நிலையில் தற்போது படத்தில் ஒரு முக்கியமான கதாபாத்திரத்தில் இயகுனர் கவுதம் மேனன் ஒப்பந்தம் ஆகியுள்ளார். காவல் திரையை மையப்படுத்தி எடுக்கப்படும் படம் என்பதால் படத்தில் இடம் பெறும் முக்கிய கதாபாத்திரங்கள் காவலர்களாக இருக்கும் எனக் கூறப்படுகிறது.
மேலும் இரண்டாம் பாகத்தின் பணிகள் தொடங்கிவிட்ட நிலையில் இன்னும் பலர் இந்த படத்தில் இணைவார்கள் என எதிர்பார்க்கப்படுகிறது. மேலும் வெற்றிமாறன் இந்த இருபாகங்களின் படப்பிடிப்புகளையும் இந்த ஆண்டு டிசம்பர் மாதத்திற்குள் முடிக்கத் திட்டமிட்டுள்ளதாகக் கூறப்படுகிறது. இதற்கிடையில் விடுதலை முதல் பாகத்திற்கான போஸ்ட் ப்ரோடைக்ஷன் பணிகளிலும் ஈடுபட்டு வரும் படக்குழு விடுதலை படத்தின் டீசரை விரைவில் வெளியிடும் என எதிர்பார்க்கப்படுகிறது.
SHARE
