முக்கியச் செய்திகள் விளையாட்டு

பஞ்சாப் அணியை வீழ்த்தியது டெல்லி!

பஞ்சாப் அணிக்கு எதிரான ஐபிஎல் லீக் ஆட்டத்தில் டெல்லி அணி அதிரடியாக விளையாடி, 6 விக்கெட் வித்தியாசத்தில் வெற்றி பெற்றது.

மும்பை வான்கடே மைதானத்தில் நடைபெற்ற ஐபிஎல் தொடரின் 11-வது லீக் ஆட்டத்தில், பஞ்சாப்-டெல்லி அணிகள் மோதின. முதலில் களமிறங்கிய பஞ்சாப் அணியின் தொடக்க வீரர்கள் மயங்க் அகர்வால், கே.எல்.ராகுல் ஆகியோர், அதிரடி ஆட்டத்தை வெளிப்படுத்தினர். இருவரும் இணைந்து டெல்லி வீரர்களின் பந்துவீச்சை நாலாபுறமும் சிதறடிக்க, அணியின் ஸ்கோர் மின்னல் வேகத்தில் உயர்ந்தது. கேப்டன் கே.எல். ராகுல் 61 ரன்களும், மயங்க் அகர்வால் 69 ரன்களும் விளாசினர்.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

இவர்களை தொடர்ந்து களமிறங்கிய கிறிஸ் கெய்ஸ் 11 ரன்னிலும், பூரன் 9 ரன்னிலும் வெளியேறினர். தீபக் ஹூடா ஆட்டமிழக்காமல் 22 ரன்களும், ஷாருக்கான் 15 ரன்களும் எடுக்க, பஞ்சாப் அணி 20 ஓவர்கள் முடிவில் 4 விக்கெட் இழப்புக்கு 195 ரன்கள் குவித்தது. இதையடுத்து 196 ரன்கள் எடுத்தால் வெற்றி என்ற இலக்குடன் டெல்லி அணி களமிறங்கியது. தொடக்க வீரர் ப்ரித்வி ஷா 32 ரன்களில் வெளியேற, மற்றொரு தொடக்க ஆட்டக்காரரான ஷிகர் தவான் அதிரடி காட்டினார்.

பஞ்சாப் வீரர்களின் பந்துவீச்சை துவம்சம் செய்த தவான், 13 பவுண்டரிகள், 2 சிக்சர்கள் என 92 ரன்கள் குவித்தார். இறுதியாக, டெல்லி அணி 18 புள்ளி 2 ஓவர்கள் முடிவில் 4 விக்கெட்டுகளை இழந்து, 198 ரன்கள் குவித்தது. இதன்மூலம் டெல்லி கேப்பிட்டல்ஸ் அணி 6 விக்கெட் வித்தியாசத்தில் பஞ்சாப் கிங்ஸ் அணியை வீழ்த்தியது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

கொரோனா தடுப்பூசி உற்பத்தி செய்ய 20 நிறுவனங்கள் விருப்பம்!

Saravana Kumar

என் சாவுக்கு காரணம் என் மனைவியும், அம்மாவும் தான்: வீடியோ பதிவிட்டு ஆசிரியர் தற்கொலை!

Jeba Arul Robinson

தமிழக மருத்துவக் கல்வி இயக்குனருக்கு மாநில மனித உரிமை ஆணையம் நோட்டீஸ்!

Halley Karthik