ஒவ்வொரு மாதமும் 10 திரைப்படங்களை பார்க்க உதவும், மாதாந்திர சந்தா பாஸ் ‘பிவிஆர் ஐநாக்ஸ் பாஸ்போர்ட்’ இன்று முதல் ரூ.699க்கு அறிமுகப்படுத்தப்படுகிறது.

மல்டிபிளக்ஸ் நிறுவனமான PVR INOX Ltd, திரையரங்குகளுக்கு மீண்டும் மீண்டும் பார்வையாளர்களை வரவழைக்க ₹699க்கு திரைப்பட சந்தா பாஸை அறிமுகப்படுத்தியுள்ளது. மாதாந்திர சந்தா பாஸ் இன்று முதல் (அக்டோபர் 16) கிடைக்கும். இதன் மூலம் திரையரங்கு பார்வையாளர்கள் ஒவ்வொரு மாதமும் 10 திரைப்படங்களை வெறும் ₹699க்கு பார்க்கலாம். இந்தச் சலுகை திங்கள் முதல் வியாழன் வரை மட்டும் பொருந்தும். மேலும் IMAX, Gold, luxe மற்றும் இயக்குநர்கள் போன்ற பிரீமியம் சேவைகள் இதில் பொருந்தாது.

We at PVR INOX feel, that movie lovers of India deserve the freedom to watch every movie. Yes, this was easier said than done, but we have made it happen, only for you, because for us, your choice, your freedom, your opinion matters.

Introducing #PVRINOXPassport #PVRHeardYou2… pic.twitter.com/Opi4ktKghL

— P V R C i n e m a s (@_PVRCinemas) October 15, 2023

PVR பாஸ்போர்ட் தற்போது தேர்ந்தெடுக்கப்பட்ட இடங்களில் மட்டுமே கிடைக்கிறது. அவற்றில், புனே, கொல்கத்தா, லக்னோ, அகமதாபாத், ஹைதராபாத் போன்ற இடங்களில் மட்டுமே இவை பொருந்தும்.

பயனர்கள் இந்தச் சந்தாவை (PVR INOX பாஸ்போர்ட்) நிறுவனத்தின் இணையதளம் அல்லது PVR ஆப் மூலம் எடுக்கலாம். ஆனால் சந்தாவை குறைந்தது மூன்று மாதங்களுக்கு எடுக்க வேண்டும். பொதுமக்களின் திரைப்படம் பார்க்கும் பழக்கத்தை மாற்ற விரும்புவதாக நிறுவனத்தின் தலைமை நிர்வாக அதிகாரி கவுதம் தத்தா தெரிவித்தார். இந்த வாய்ப்பின் மூலம் மக்களை திரையரங்கிற்கு அழைத்து வர விரும்புவதாகவும் அவர் தெரிவித்துள்ளார்.

மேலும் அவர் கூறுகையில், OTT இயங்குதளத்தின் வருகைக்குப் பிறகு, பெரும்பாலான திரைப்பட பார்வையாளர்கள் தங்கள் மொபைல், டிவி அல்லது லேப்டாப்பில் திரைப்படங்களைப் பார்க்கிறார்கள் என்பதை நிறுவனங்கள் நன்கு புரிந்துகொள்கின்றன. ‘பதான்’, ‘ஜவான்’, ‘சலார்’, ‘லியோ’ போன்ற படங்களைத் திரையரங்கில் பார்க்க வேண்டும் என்று ஆசைப்பட்டாலும், OTT தளத்தில் திரைப்படங்கள் வரும் வரை வாடிக்கையாளர்கள் காத்திருக்கின்றனர்.

இப்போது திரையரங்குகளின் கட்டணம் மிகவும் உயர்வாக உள்ளது. எனவே பார்வையாளர்களை மீண்டும் மீண்டும் திரையரங்குகளுக்கு கொண்டு வரும் ஒரு திட்டத்தை நாங்கள் கொண்டு வந்துள்ளோம் என்று தலைமை நிர்வாக அதிகாரி கெளதம் தத்தா கூறினார்.