ஆசிய சாம்பியன்ஸ் கோப்பை ஹாக்கி போட்டியில், இந்தியா மற்றும் மலேசியா அணிகள் இன்று மோதுகின்றன.
சென்னையில் நடைபெற்று வரும் ஆசிய சாம்பியன்ஸ் கோப்பை ஹாக்கி போட்டியில், இந்தியா மற்றும் மலேசியா அணிகள் இன்று மோதுகின்றன. ஹர்மன்பிரீத் சிங் தலைமையிலான இந்திய அணி 4 புள்ளிகள் பெற்று இரண்டாவது இடத்தில் உள்ளது. 6 புள்ளிகளுடன் முதலிடத்தில் மலேசியா அணி வலுவாக இருப்பதால் இன்றைய போட்டி இந்திய அணிக்கு சவாலாக இருக்கும்.
இதுவரை 6 அணிகளும் தலா 2 போட்டிகளில் விளையாடியுள்ள நிலையில், புள்ளிப்
பட்டியலில் 2 வெற்றிகளுடன் 6 புள்ளிகள் பெற்று மலேசியா முதல் இடத்தை பெற்றுள்ளது. இந்திய அணி ஒரு போட்டியில் வெற்றியும், ஒரு போட்டியில் டிராவும் பெற்று 4 புள்ளிகளுடன் இரண்டாவது இடத்தையும், தென்கொரியா அணி ஒரு போட்டியில்
வெற்றியும், ஒரு போட்டியில் டிராவும் செய்து மூன்றாவது இடத்தை பெற்றுள்ளது.
நான்காவது இடத்தில் ஜப்பான், ஐந்தாவது இடத்தில் பாகிஸ்தான் ஆகிய அணிகள் தலா ஒரு புள்ளியுடன் உள்ளனர். ஆறாவது இடத்தில் விளையாடிய 2 போட்டிகளிலுமே தோல்வியை தழுவிய சீனா 0 புள்ளிகளுடன் உள்ளது.
