செல்வராகவன் இயக்கத்தில் 7 ஜி ரெயின்போ காலனி 2 படப்பிடிப்பு விரைவில் தொடங்க உள்ள நிலையில், அப்படத்தில் நடிக்க அதிதி ஷங்கரிடம் பேச்சுவார்ததை நடைபெற்று வருவதாக தகவல் வெளியாகியுள்ளது.
கடந்த 2004 ஆம் ஆண்டு செல்வராகன் இயக்கத்தில் வெளியானது 7ஜி ரெயின்போ காலனி. இந்த படத்தில் ரவி கிருஷ்ணா, சோனியா அகர்வால் உள்ளிட்டோர் நடித்துள்ளனர். யுவன் சங்கர் இசையில் 10 பாடல்கள் படத்தில் இடம்பெற்றுள்ளது. குறிப்பாக கண் பேசும் வார்த்தைகள், நினைத்து நினைத்து பார்த்தால் உள்ளிட்டபாடல்கள் வெளியாகி சூப்ப்ர் ஹிட் அடித்தன.
ரசிகர்களிடையே மிகப்பெரிய வரவேற்பை பெற்ற இந்த திரைப்படத்தின் இரண்டாவது பாகத்தை எடுக்க இயக்குநர் செல்வராகவன் திட்டமிட்டுள்ளார். கதை, திரைக்கதை பணிகள் முடிந்துள்ளதால் ஆகஸ்ட் மாத இறுதியில் படப்பிடிப்பு தொடங்கும் என தகவல்கள் வெளியாகியுள்ளன.இப்பாகத்திலும் ரவி கிருஷ்ணாவே நாயகனாக நடிக்கிறார். நாயகிகளாக நடிக்க அதிதி ஷங்கர் மற்றும் இவானாவிடம் பேச்சுவார்த்தை நடத்தி வருவதாகவும் கூறப்படுகிறது. அடுத்த ஆண்டு படத்தை ரிலீஸ் செய்ய படக்குழுவினர் திட்டமிட்டுள்ளனர்.
