நடிகர் தனுஷ் நடிப்பில் உருவாகியுள்ள பாலிவுட் படமான தேரே இஷ்க் மெய்ன் படத்தின் டீசர் வெளியாகியுள்ளது.
இப்படத்தை இயக்குநர்-தயாரிப்பாளர் ஆனந்த் எல் ராய், புஷண் குமார் மற்றும் கலர் யெல்லோ ஆகியோர் தயாரித்துள்ளனர். படத்தில் தேசிய விருது பெற்ற நடிகர் தனுஷ் மற்றும் க்ரிதி சனோன் நடித்துள்ளனர். ஹிமான்ஷு ஷர்மா மற்றும் நீரஜ் யாதவ் கதை எழுதியுள்ளனர். ஏ. ஆர். ரஹ்மான் இசையமைத்துள்ளார்.
புதியதும் எதிர்பாராததுமான இந்த ஜோடி, டீசரில் சங்கர் (தனுஷ்) – முக்தி (க்ரிதி சனோன்) இடையிலான காந்த ஈர்ப்பை வெளிப்படுத்துகிறது. முன்பே வெளியான சில காட்சிகளுக்கு பிறகு, இப்போது டீசர் காதலின் வலி, துன்பம் மற்றும் நிறைவேறாத ஆசையின் கதையை வெளிப்படுத்துகிறது. ஆனந்த் எல் ராயின் நுணுக்கமான கதை சொல்லும் பாணி, ஹிமான்ஷு ஷர்மாவின் எழுத்து ஆகியவை இணைந்து, காரணத்தை மீறும் காதலை – அழிக்கும் மற்றும் மீட்டெடுக்கும் காதலை டீஸரில் காட்டுகின்றன. வாரணாசியுடன் ஆனந்த் எல் ராய்க்கு உள்ள ஆழ்ந்த தொடர்பை டீசர் வெளிப்படுத்துகிறது.
ஏ. ஆர். ரஹ்மான் இசையமைக்கும் இந்த படத்தின் பாடல்களை, இர்ஷாத் காமில் வரிகள் எழுதி, அரிஜித் சிங் பாடியுள்ளார். டீசரில் இடம்பெற்ற haunting track ஏற்கனவே ரசிகர்களால் மிகுந்த வரவேற்பை பெற்றுள்ளது. வார்த்தைகள் சொல்ல இயலாத இடங்களில் மௌனம் பேசுகிறது; நிறைவேற்றத்தைவிட ஏக்கம் வலுவாக இருக்கும் காதல் கதையின் ஒரு சாளரம் இதன் மூலம் திறக்கப்படுகிறது.
இந்த படம் 2025 நவம்பர் 28 அன்று, ஹிந்தி மற்றும் தமிழில் உலகம் முழுவதும் திரையரங்குகளில் வெளியாகிறது.
