தமிழ்நாடு அரசானது 15 ஐபிஎஸ் அதிகாரிகளை பணியிட மாற்றம் செய்து உத்தரவிட்டுள்ளது. அதன்படி,
- பெருநகர சென்னை காவல்துறையின் நலன் மற்றும் எஸ்டேட் ஆணையராக இருந்த கண்ணன், தாம்பரம் காவல் ஆணையரகத்தின் தலைமையகம் மற்றும் நிர்வாகப் பிரிவு துணை காவல் ஆணையராக, தற்போது காலியாக உள்ள இடத்தில் நியமிக்கப்பட்டுள்ளார்.
- தாம்பரம் மத்திய குற்றப்பிரிவு ஆணையரகத்தின் துணை காவல் ஆணையராக இருந்த வேல்முருகன், காவல் படைத் தலைவர் அலுவலகத்தின், நவீனமயமாக்கல் பிரிவு உதவி காவல் தலைவராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- காவல் கண்காணிப்பாளர் ஜி.ஸ்டாலின் (கட்டாய காத்திருப்பு), வேல்முருகனுக்குப் பதிலாக, தாம்பரம் காவல் ஆணையரகம், மத்திய குற்றப்பிரிவு துணை காவல் ஆணையராக நியமிக்கப்பட்டுள்ளார்.
- காவல் கண்காணிப்பாளர் டி.ரமேஷ் பாபு (கட்டாய காத்திருப்பு), சென்னை பயங்கரவாத எதிர்ப்புப் படையின் காவல் கண்காணிப்பாளராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- காவல் கண்காணிப்பாளர் கிதாஞ்சலி (கட்டாய காத்திருப்பு), பெருநகர சென்னை காவல் துறையின், பெண்கள் மற்றும் குழந்தைகளுக்கு எதிரான குற்றத்தடுப்புப் பிரிவு துணை காவல் ஆணையராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- காவல் கண்காணிப்பாளர் சுந்தரவடிவேல் (கட்டாய காத்திருப்பு) , பெருநகர சென்னை காவல் துறையின், பாதுகாப்புப் பிரிவு துணை காவல் ஆணையராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- மதுரை பயங்கரவாத எதிர்ப்புப் படை காவல் கண்காணிப்பாளர் ஆர்.ரமேஷ், திருப்பூர் மாநகர, வடக்கு மண்டல துணை காவல் ஆணையராக தற்போது காலியாக உள்ள பணியிடத்தில் நியமிக்கப்பட்டுள்ளார்.
- தமிழ்நாடு கமாண்டோ படையின் காவல் கண்காணிப்பாளரான கே.மகேஸ்வரி, ஆவடி காவல் ஆணையரகம், செங்குன்றம் வட்டார துணை காவல் ஆணையராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- கோயம்பேடு வட்டார துணை காவல் ஆணையர் ஆர். உதயகுமார், ஏ.சி. கார்த்திகேயனுக்குப் பதிலாக திருவண்ணாமலை மாவட்டக் காவல் கண்காணிப்பாளராக நியமிக்கப்பட்டுள்ளார்.
- ஏ.சி.கார்த்திகேயன், பெருநகர சென்னை காவல் துறையின், அடையார் வட்டார துணை காவல் ஆணையராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- ராமநாதபுரம் மாவட்டம், கிழக்கரை உட்கோட்ட உதவி காவல் கண்காணிப்பாளர் குணால் உத்தம் ஸ்ரோதே, பதவி உயர்வு பெற்று, ஆர்.உதயகுமாருக்குப் பதிலாக கோயம்பேடு வட்டார துணை காவல் ஆணையராக நியமிக்கப்பட்டுள்ளார்.
- நாமக்கல் உட்கோட்ட உதவி காவல் கண்காணிப்பாளர் ஆகாஷ் ஜோஷி, பதவி உயர்வுப் பெற்று, திருப்பூர் மாநகரம், தெற்கு மண்டல துணை காவல் ஆணையராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- மதுரை மாவட்டம், திருமங்கலம் உட்கோட்ட உதவி காவல் கண்காணிப்பாளர் அன்ஷுல் நகர், பதவி உயர்வு பெற்று திருநெல்வேலி மாநகரம், மேற்கு மண்டல துணை காவல் ஆணையராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- திருப்பூர் மாவட்டம், காங்கேயம் உட்கோட்ட உதவி காவல் கண்காணிப்பாளர் அர்பிதா ராஜ்புத், பதவி உயர்வு பெற்று, சென்னை, குற்றப் புலனாய்வுத் துறை (சி.பி.சி.ஐ.டி) வடக்கு மண்டல காவல் கண்காணிப்பாளராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
- திருச்சி மாவட்டம், திருவெறும்பூர் உட்கோட்ட உதவி காவல் கண்காணிப்பாளர் பானவத் அரவிந்த் பதவி உயர்வு பெற்று திருச்சி மாநகரம், வடக்கு மண்டல துணை காவல் ஆணையராக, தற்போது காலியாக உள்ள பணியிடத்தில் நியமிக்கப்பட்டுள்ளார்.
