பயனர்கள் பதிவிடும் கட்டுரைகளின் இணைப்புகளில் இருந்து தலைப்புகளை நீக்க ’X’ தளம் திட்டமிட்டுள்ளது.
’X’ (ட்விட்டர்) தளத்தில் புதிய மாற்றம் ஒன்றை செய்துள்ளார் எலான் மஸ்க். அதன்படி, பயனர் பதிவிடும் கட்டுரைகளுக்கான இணைப்புகளில் (LINKS), முகப்பு படத்தை மட்டும் காட்சிப்படுத்திவிட்டு, அதற்கான தலைப்புகளையும், எழுத்துக்களையும் நீக்க X திட்டமிட்டுள்ளது.
தற்போது பதிவிடப்படும் செய்தி இணைப்புகள், பயனர்களின் பக்கங்களில், படம், மூல முகவரி மற்றும் சுருக்கப்பட்ட தலைப்புடன், கார்டுகளாக காட்சிப்படுத்தப்படுகின்றன. இது, பயனர்களின் கட்டுரைகளுக்கு, அதிக பார்வைகளையும், பார்வையாளர்களையும் பெற்றுத் தருவதாக பலர் தெரிவித்துள்ளனர்.
இதையும் படியுங்கள் : இந்தியாவின் பெருமை சந்திரயான்-3 : வெற்றிப்பாதையை நோக்கி….
இந்நிலையில் பயனர்கள் X-ல் அதிக நேரத்தைச் செலவிடுவதற்கும், சந்தா சேவையைத் தேர்வுசெய்ய அவர்களைத் தூண்டுவதற்கும் எலான் மஸ்க் போட்ட மாஸ்டர் பிளான் தான் இந்த மாற்றம் என்றும், கண்டெண்ட் கிரியேட்டர்களுக்கு சாதகமான மாற்றங்களையே எலான் மஸ்க் X-ல் செய்து வருவதாகவும் நெட்டிசன்கள் கருத்து பதிவிட்டு வருகின்றனர்.
