தொழிலதிபர் முகேஷ் அம்பானி வீட்டில் நடைபெற்ற விநாயகர் சதுர்த்தி விழாவில் அட்லி – பிரியா, நயன்தாரா – விக்னேஷ் சிவன் தம்பதிகள் கலந்து கொண்ட வீடியோ இணையத்தில் வைரல் ஆகி வருகிறது.
அட்லி இயக்கத்தில் ஷாருக்கான் நடிப்பில் உருவான ஜவான் திரைப்படம் செப்டம்பர் 7 ஆம் தேதி ரிலீசானது. நயன்தாரா தீபிகா படுகோனே பிரியாமணி உள்ளிட்டோர் நடித்துள்ள இப்படம் வெளியான முதல் நாளிலேயே ரூ.75 கோடி வசூல் செய்தது.
இப்படத்தின் வசூல் விரைவில் ரூ.1000 கோடியை எட்டும் என எதிர்பார்க்கப்படுகிறது. இதனையடுத்து பாலிவுட் திரையுலகில் அட்லி மற்றும் நயன்தாராவுக்கு முக்கியத்துவம் கிடைக்க தொடங்கியுள்ளது.
அதன் ஒரு பகுதியாக தொழிலதிபர் முகேஷ் அம்பானியின் ஆன்டிலியா இல்லத்தில் விநாயகர் சதுர்த்தி விழாவில் அட்லி – பிரியா, நயன்தாரா – விக்னேஷ் சிவன் ஜோடி தம்பதி கலந்து கொண்டனர்.
அதே போல் ஷாருக்கான், சல்மான்கான், அஜய் தேவ்கான், ஐஸ்வர்யாக ராய், கஜோல், தீபிகா படுகோன், சச்சின் டென்டுல்கர் உள்ளிட்ட பிரபலங்களும் விழாவில் பங்கேற்றனர்.
