விஜய் ரசிகர்கள் மிகவும் ஆவலாக எதிர்பார்த்துக் காத்திருந்த லியோ படத்தின் டிரெய்லர் தற்போது வெளியாகியுள்ளது.
விஜய் நடித்துள்ள லியோ திரைப்படம் அக்டோபர் 19ம் தேதி வெளியாகிறது. மாஸ்டர் படத்தைத் தொடர்ந்து விஜய் – லோகேஷ் கனகராஜ் கூட்டணி இரண்டாவது முறையாக இணைந்துள்ளது. சஞ்சய் தத், அர்ஜுன், த்ரிஷா உள்ளிட்டோர் முக்கிய கதாபாத்திரத்தில் நடித்துள்ளனர். அனிருத் இசையமைத்துள்ளார்.
இப்படத்தின் போஸ்டர்கள் ஒவ்வொன்றாக வெளியாகி ரசிகர்களின் வரவேற்பை பெற்று வருகிறது. இங்கிலாந்து உள்ளிட்ட நாடுகளில் படத்திற்கான முன்பதிவு புதிய சாதனை படைத்துள்ளது. இதனிடையே இசை வெளியீட்டு விழா ரத்து செய்யப்படுவதாக தயாரிப்பு நிறுவனமான செவன் ஸ்கிரீன் ஸ்டுடியோஸ் அறிவித்தது.
லியோ படத்தில் டிரைலர் இன்று வெளியாகும் என தயாரிப்பு நிறுவனமான செவன் ஸ்கிரீன் ஸ்டுடியோஸ் அறிவித்துள்ளது. அந்த வகையில் விஜய் ரசிகர்கள் மிகவும் ஆவலாக எதிர்பார்த்துக் காத்திருந்த லியோ படத்தில் டிரெய்லர் தற்போது வெளியாகியுள்ளது. அதிரடி ஆக்ஷன் காட்சிகள் நிறைந்த இந்த டிரெய்லர் தற்போது இணையத்தில் வைரலாகி வருகிறது.
இந்நிலையில் இன்னும் 14 தினங்களில் திரைக்கு வர உள்ள ‘லியோ’ திரைப்படத்திற்கு ‘U/A’ சான்றிதழ் வழங்கியுள்ளது தணிக்கை குழு. இதனை படக்குழு தனது ட்விட்டர் (எக்ஸ்) பக்கத்தில் பதிவிட்டுள்ளது. இதனை இயக்குநர் லோகேஷ் கனகராஜ் தனது ட்விட்டர் (எக்ஸ்) பக்க்கத்தில் ஷேர் செய்துள்ளார். லியோ படத்திற்கான ஒவ்வொரு அப்டேட்டையும் கொண்டாடிவரும் ரசிகர்கள், தற்போது இந்த செய்தியையும் கொண்டாடி வருகின்றனர்.
