தமிழ் சினிமாவின் முன்னணி நடிகர்களில் ஒருவர் விஜய் சேதுபதி. இவர் நடிப்பில் இறுதியாக வெளியான ’தலைவன் தலைவி’ திரைப்படமானது வசூல் மற்றும் விமர்சனரீதியாக நல்ல வரவேற்பை பெற்றது.
இதனையடுத்து விஜய் சேதுபதி நடிப்பில் உருவாகியுள்ள புதிய படம் ’காந்தி டாக்ஸ்’. இப்படத்தில் விஜய் சேதுபதியுடன் இணைந்து அரவிந்த் சாமி, அதிதீராவ் ஹைதாரி, சித்தார்த் ஜாதவ் உள்பட பலர் நடித்துள்ளனர்.
வசனங்கள் அற்ற மௌனப் படமாக உருவாகியுள்ள இப்படத்தை கிஷோர் பெலெகர் இயக்கியுள்ளார். மேலும் இப்படத்திற்கு ஏ.ஆர். ரகுமான் இசையமைத்துள்ளார். ஹிந்தி, மராத்தி, தமிழ், தெலுங்கு, மலையாளம், கன்னடம் ஆகிய மொழிகளில் இப்படம் வெளியாகும் என்று அறிவிக்கப்பட்டுள்ளது.
இந்த நிலையில் காந்தி டாக்ஸ் திரைப்படத்தின் வெளியீட்டு தேதியை படக்குழு அறிவித்துள்ளது. அதன் படி இப்படம் வரும் ஜனவரி 30 ஆம் தேதி வெளியாகிறது. ஜனவரி 30 ஆம் தேதியானது மகாத்மா காந்தியின் நினைவு தினம் என்பது குறிப்படத்தக்கது.
