லோகேஷ் கனகராஜ் இயக்கி ரஜினிகாந்த் நடிக்கும் ‘தலைவர் 171’ படத்தின் பெயர் குறித்த தகவல் வெளியாகியுள்ளது. இந்த தகவல் சமூக வலைதளங்களில் வைரலாகி வருகிறது.
நடிகர் ரஜினிகாந்த் தற்போது இளம் இயக்குனர்களுக்கு வாய்ப்பு கொடுப்பதில் ஆர்வம் காட்டி வருகிறார். எனவே லோகேஷ் தனது கேரியரில் 171 வது படத்தை இயக்க தேர்வு செய்தார். லோகேஷ் பெரிய ஹீரோக்களை வைத்து சினிமா பிரபஞ்சத்தை உருவாக்கி ரசிகர்களிடையே ஆர்வத்தை ஏற்படுத்தி வைத்து உள்ளார். இவரது இயக்கத்தில் ரஜினிகாந்த் நடிப்பில் உருவாகி வரும் படம் ரசிகர்களிடம் இப்போதுதான் பரபரப்பை ஏற்படுத்தியுள்ளது.
இந்த படத்தின் ஏப்.22ஆம் தேதி பெயர் டீசர் வெளியாகும் என அறிவிக்கப்பட்டுள்ளது. இந்நிலையில், ரஜினி – 171 படத்திற்கு ‘கழுகு’ எனப் பெயரிட்டுள்ளதாகக் கூறப்படுகிறது. அதேநேரம், பான் இந்திய திரைப்படமாக இது உருவாகும் என்பதால், படத்தின் பெயரை ஆங்கிலத்தில் வைக்கவும் வாய்ப்பு இருப்பதாக கூறப்படுகிறது. இப்படம் அடுத்த ஆண்டு திரையரங்குகளில் வெளியாகும் என ரசிகர்கள் எதிர்பார்க்கின்றனர். சன் பிக்சர்ஸ் நிறுவனம் தயாரிக்கும் இப்படத்திற்கு அனிருத் ரவிச்சந்தர் இசையமைக்கவுள்ளார்.
