சினிமா ஸ்டண்ட் மாஸ்டர் கோதண்டராமன் உடல்நலக்குறைவால் காலமானார்.
தமிழ் சினிமாவில் கடந்த 25 ஆண்டுகளாக ஸ்டண்ட் மாஸ்டராக பணியாற்றி வந்தவர் கோதண்டராமன். இவர் பல முன்னணி நடிகர்களின் படங்களில் ஸ்டண்ட் மாஸ்டராக வேலை பார்த்துள்ளார். கோதண்டராமன் ஸ்டண்ட் மாஸ்டராக மட்டுமல்லாமல் பல திரைப்படங்களில் குணச்சித்திர வேடத்திலும் நடித்திருந்தார்.
இவர் பகவதி, திருப்பதி, கிரீடம், சிங்கம், வேதாளம் படங்களில் நடித்துள்ளார். குறிப்பாக இவர் ‘கலகலப்பு’ திரைப்படத்தில் நடிகர் சந்தானத்துடன் இணைந்து நடித்து ரசிகர்களை வெகுவாக கவர்ந்தார். இத்திரைப்படத்தில் இவரின் நடிப்பு ரசிக்கும் படி அமைந்திருந்தது.
இவர், கடந்த சில நாட்களாக உடல் நலக்குறைவு காரணமாக மருத்துவமனையில் சிகிச்சை பெற்று வந்தார். இந்த நிலையில், இன்று இவர் சிகிச்சை பலனின்றி சென்னை பெரம்பூரில் உள்ள அவரது வீட்டில் காலமானார். மேலும் மேலும், கோதண்டராமன் மறைவுக்கு திரையுலகினரும், ரசிகர்களும் இரங்கல் தெரிவித்து வருகின்றனர். அவரது இறுதிச்சடங்கு இன்று நடைபெற உள்ளதாக தகவல் வெளியாகியுள்ளது.
