‘இராவண கோட்டம்’ படத்தின் ட்ரெய்லரை நடிகர் சிம்பு தனது ட்விட்டர் பக்கத்தில் வெளியிட்டுப் படக்குழுவிற்கு வாழ்த்து தெரிவித்துள்ளார்.
‘மதயானைக் கூட்டம்’ படத்திற்கு பிறகு இயக்குநர் விக்ரம் சுகுமாரன் இயக்கும் படம் ‘இராவண கோட்டம்’. சாந்தனு நாயகனாக நடிக்கும் இந்த படத்தை கண்ணன் ரவி தயாரிக்கிறார். இப்படத்தில் சாந்தனுவுக்கு ஜோடியாக கயல் ஆனந்தி நடிக்கிறார். அத்துடன், பிரபு, சத்யா என்.ஜே உள்ளிட்ட பலர் நடித்துள்ளனர்.
இந்த படத்திற்கு ஜஸ்டின் பிரபாகரன் இசையமைக்கிறார். லாரன்ஸ் கிஷோர் இப்படத்தின் படத்தொகுப்புப் பணிகளைக் கவனிக்கிறார். நீண்ட எதிர்பார்ப்புக்குப்பின் படம் வரும் மே மாதம் வெளியாக உள்ளது.
https://twitter.com/SilambarasanTR_/status/1643576737878671362?s=20
இந்நிலையில் படத்தின் ட்ரெய்லர் வெளியிடப்பட்டுள்ளது. இந்த ட்ரெய்லரை நடிகர் சிம்பு தனது ட்விட்டர் பக்கத்தில் வெளியிட்டுப் படக்குழுவிற்கு வாழ்த்து தெரிவித்துள்ளார். மாலை 5 மணிக்கு வெளியான இந்த ட்ரெய்லர் தற்போது ரசிகர்களிடம் நல்ல வரவேற்பைப் பெற்றுவருகிறது.
