முக்கியச் செய்திகள் இந்தியா

ஆர்யன் கானுக்கு எதிராக ஆதாரங்கள் இல்லை: போதைப்பொருள் தடுப்புப் பிரிவு

பிரபல பாலிவுட் நடிகர் ஷாருக்கானின் மகன் ஆர்யன் கான், போதைப் பொருள் பயன்படுத்தியதாக எழுந்த குற்றச்சாட்டில் உண்மை இல்லை என்று போதைப் பொருள் தடுப்புப் பிரிவு தெரிவித்துள்ளது.

சொகுசு கப்பலில் நடந்த போதை விருந்தில் பங்கேற்று போதைப் பொருட்களை பயன்படுத்தியதாக கடந்த ஆண்டு அக்டோபர் 3ம் தேதி ஆர்யன் கான் கைது செய்யப்பட்டார். அவரோடு சேர்த்து மேலும் 14 பேரும் கைது செய்யப்பட்டனர்.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

அக்டோபர் 30ம் தேதி ஜாமீன் பெற்று ஆர்யன் கான் சிறையில் இருந்து வெளியே வந்தார்.

இந்த வழக்கை விசாரித்த போதைப்பொருள் தடுப்புப் பிரிவின் சிறப்பு விசாரணைக் குழு, ஆர்யன் கான் மீதான குற்றச்சாட்டுக்கு போதிய ஆதாரம் இல்லை என கூறி நேற்று விடுவித்தது.

இந்நிலையில், இந்த வழக்கு குறித்து செய்தியாளர்களிடம் பேசிய போதைப்பொருள் தடுப்புப் பிரிவு துணைத் தலைவர் சஞ்சய் குமார், சொகுசு கப்பலுக்கு போதைப் பொருள் கொண்டு வந்த ஆர்யன் கானின் நண்பர் சஞ்சய் குமாரிடம் நடத்தப்பட்ட விசாரணையில், ஆர்யன் கானுக்காக தான் போதைப் பொருள் கொண்டு செல்லவில்லை என தெரிவித்ததாகக் கூறினார். மேலும், போதைப் பொருள் கொண்டு வர உள்ளது குறித்து அறிந்ததும், அவ்வாறு கொண்டுவர வேண்டாம் என ஆர்யன் கான் கூறியதாகவும் சஞ்சய் குமார் வாக்குமூலம் அளித்துள்ளதாக சஞ்சய் குமார் தெரிவித்துள்ளார்.

போதுமான ஆதாரங்களை சேகரித்து இருக்க வேண்டிய போதைப்பொருள் தடுப்புப் பிரிவினர், அதை செய்யாமல் ஆர்யன் கானை கைது செய்துவிட்டதாகவும் போதைப்பொருள் தடுப்புப் பிரிவு துணைத் தலைவர் சஞ்சய் குமார் தெரிவித்துள்ளார்.

ஆர்யன் கான் விடுவிக்கப்பட்டாலும், குற்றம் சாட்டப்பட்டுள்ள மற்ற 14 பேருக்கு எதிராக போதைப்பொருள் தடுப்புப் பிரிவு குற்றப்பத்திரிகை தாக்கல் செய்துள்ளது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

அடுத்தடுத்து ராஜினாமா செய்யும் எம்.எல்.ஏ.க்கள்: புதுச்சேரி காங்கிரஸ் அரசுக்கு நெருக்கடி!

EZHILARASAN D

துப்பாக்கி சுடுதல் போட்டி: ரஷ்யா, பெலாரஸ் அணிகளுக்கு தடை

Halley Karthik

இதுபோன்று மீண்டும் நடக்காமல் பார்த்துக் கொள்வோம் – வருத்தம் தெரிவித்த சுப்ரியா சாகு

Web Editor