கைவிலங்கு அணிந்து 8.6 கிலோமீட்டர் நீந்தி அமெரிக்காவைச் சேர்ந்த ஒருவர் கின்னஸ் சாதனை படைத்துள்ளார்.
உலக கின்னஸ் சாதனை படைக்கும் முயற்சியில் வர்ஜீனியாவைச் சேர்ந்த 32 வயதான பென் காட்ஸ்மேன் ஈடுபட்டார். அப்போது அவர் கிங் ஜார்ஜ் ஒய்.எம்.சி.ஏவில் உள்ள குளத்தை 344 முறை சுமார் 8.6 கிலோமீட்டர் நீளத்தை கிட்டத்தட்ட நான்கு மணி நேரம் கைவிலங்கு அணிந்து நீந்தி உலக சாதனையை படைத்துள்ளார்.
இதற்கு முன்னதாக 2019ம் ஆண்டு ஈரானை சேர்ந்த 40 வயதான எல்ஹாம் சதாத் அஸ்காரி என்ற பெண் கைவிலங்கு அணிந்து தொலைதூர நீச்சலுக்கான சாதனையை 3.41 மைல் நீந்தி உலக சாதனை படைத்தார். தற்போது அந்த சாதனையை பென் காட்ஸ்மேன் முறியடித்துள்ளர்.
இதுகுறித்து தனியார் பத்திரிக்கை ஒன்றுக்கு பேட்டியளித்த பென் காட்ஸ்மேன், “நான் 3 வயதில் இருந்தே நீச்சல் பழகி வருகிறேன். கைவிலங்கு அணிந்து அதிக தூரம் நீந்தி கின்னஸ் சாதனையை முறியடித்தது மட்டுமல்லாமல் பல தனிப்பட்ட சாதனையும் முறியடித்துள்ளேன். தற்போது நான் மிகவும் மகிழ்ச்சியாக உள்ளேன்” என தெரிவித்தார்.
