”வாத்தி” படத்தின் இயக்குநர் வெங்கி அட்லூரியின் இயக்கத்தில் நடிகர் துல்கர் சல்மான் இணைய உள்ளார் எனவும், அந்த படத்தின் பெயர் “லக்கி பாஸ்கர்” எனவும் அறிவிக்கப்பட்டுள்ளது.
தெலுங்கு திரையுலகில் தொடர் வெற்றிப் படங்களின் மூலம் தனக்கென தனித்துவத்தை உருவாக்கிக் கொண்ட இளம் இயக்குநர் வெங்கி அட்லூரி. இவரின் சமீபத்திய திரைப்படமான ’சார்’ சமீபத்தில் வெளியாகி கலவையான விமர்சனத்தை பெற்றது. நடிகர் தனுஷ் கதாநாயகனாக நடித்த இந்த படம் தமிழில் ‘வாத்தி’ என்ற பெயரில் வெளியானது.
தற்போது இயக்குநர் வெங்கி அட்லூரி இயக்கத்தில் சிதாரா எண்டர்டெயின்மென்ட் நிறுவனம் ’லக்கி பாஸ்கர்’ என்ற படத்தை தயாரிக்க உள்ளதாக அறிவிப்பு வெளியாகியுள்ளது. மேலும் இப்படத்தின் கதாநாயகனாக துல்கர் சல்மான் அறிவிக்கப்பட்டுள்ளார். இன்று துல்கரின் பிறந்தநாள் என்பதால் படத்தின் தலைப்பை சிதாரா யூனிட் அறிவித்துள்ளது.
https://twitter.com/dulQuer/status/1684841995939012608?s=20
இதற்கான போஸ்டரை நடிகர் துல்கர் சல்மான் தனது அதிகாரப்பூர்வ ட்விட்டர் பக்கத்தில் வெளியிட்டுள்ளார். இந்த போஸ்டரைப் பார்த்தால் படம் பணத்தைச் சுற்றியே நகர்கிறது என்பது போல் தெரிகிறது. சமீபத்தில் சீதாராமம் படத்தின் மூலம் தெலுங்கில் சூப்பர் ஹிட் அடித்த துல்கர் சல்மான் தற்போது லக்கி பாஸ்கர் என்ற தெலுங்கு படத்தின் மூலம் வலம் வர இருக்கிறார். இந்த படத்தின் படப்பிடிப்பு விரைவில் தொடங்கவுள்ளதாக தகவல் வெளியாகியுள்ளது.
