உதயநிதி ஸ்டாலின், தமன்னா நடிப்பில் சீனு ராமசாமி இயக்கத்தில் உருவான ‘கண்ணே கலைமானே’ திரைப்படம் அமெரிக்க திரைப்பட விழாவில் 2 விருதுகளை வென்றது.
சீனு ராமசாமி இயக்கத்தில் உதயநிதி ஸ்டாலின் தயாரித்து நாயகனாக நடித்து கடந்த 2019ம் ஆண்டு வெளியான ‘கண்ணே கலைமானே’ திரைப்படம் மனதைத் தொடும் வகையில் மனிதம் பேசியதற்காக பெரிதும் பாராட்டுகளை பெற்றது.
அந்த வகையில் கடந்த மாதம், ‘கண்ணே கலைமானே’ திரைப்படத்திற்காக இந்தோ-பிரெஞ்சு சர்வதேச பன்னாட்டு விழாவில் சிறந்த தயாரிப்பாளருக்கான விருதை உதயநிதி ஸ்டாலினும், சிறந்த நடிகைக்கான விருதை தமன்னாவும், சிறந்த துணை நடிகைக்கான விருதை வடிவுக்கரசியும் பெற்றிருந்தனர்.
இந்நிலையில், அமெரிக்காவில் செப்டம்பர் 12-ந்தேதி நடைபெற உள்ள சர்வதேச திரைப்பட விழாவில் திரையிடவும் தேர்வாகி உள்ளது.
அத்துடன், அமெரிக்கன் கோல்டன் பிக்சர் இன்டர்நேஷனல் ஃபிலிம் பெஸ்டிவலில், தயாரிப்பாளர் உதய் ஸ்டாலினுக்கான சிறந்த கதைக்கான விருதையும், மறைந்த நடிகர் பூ ராமுவுக்காக சிறந்த துணை நடிகருக்கான விருதையும் இப்படம் வென்றுள்ளது.
