ஐபிஎல் தொடரில் இன்றைய 24வது லீக் போட்டியில் பெங்களுரு அணி டாஸ் வென்று பந்துவீச்சை தேர்வு செய்துள்ளது.
16வது ஐபிஎல் கிரிக்கெட் தொடர் கடந்த மாதம் 31ம் தேதி தொடங்கி நடைபெற்று வருகிறது. இன்று நடைபெறும் 24வது லீக் போட்டியில் சென்னை சூப்பர் கிங்ஸ் அணி மற்றும் பெங்களூரு ராயல் சேலஞ்சர்ஸ் அணி எதிர்கொள்கிறது. இந்த போட்டியானது பெங்களூரு சின்னசாமி ஸ்டேடியத்தில் நடைபெறுகிறது.
இதுவரை 4 போட்டிகளில் விளையாடியுள்ள சென்னை அணி 2 வெற்றி (லக்னோ, மும்பைக்கு எதிராக), 2 தோல்வி (குஜராத், ராஜஸ்தானுக்கு எதிராக) கண்டுள்ளது. சென்னை போன்றே பெங்களூரு அணியும் 2 வெற்றி (மும்பை, டெல்லிக்கு எதிராக) 2 தோல்விகளுடன் (கொல்கத்தா, லக்னோவுக்கு எதிராக) 4 புள்ளிகளை பெற்றுள்ளது.
இந்த நிலையில் இன்றைய போட்டிக்கான டாஸ் போடப்பட்டது. இதில் டாஸ் வென்ற பெங்களூரு அணி பந்துவீச்சை தேர்வு செய்தது. இதையடுத்து சென்னை சூப்பர் கிங்ஸ் அணி முதலில் பேட்டிங் செய்ய உள்ளது.
இந்த இரு அணிகளின் பட்டியல் வருமாறு:- சென்னை: ருதுராஜ் கெய்க்வாட், கான்வே, ரஹானே, ஷிவம் துபே, மொயீன் அலி, அம்பத்தி ராயுடு, ரவீந்திர ஜடேஜா, தோனி (கேப்டன்), துஷர் தேஷ்பாண்டே, தீக்ஷனா, மதீஷா பதிரானா.
பெங்களூரு: கோலி, பாப் டு பிளிஸ்சிஸ் (கேப்டன்), மஹிபால் லோம்ரோர், கிளென் மேக்ஸ்வெல், ஹர்ஷல் பட்டேல், ஷபாஸ் அகமது, தினேஷ் கார்த்திக், ஹசரங்கா, வெய்ன் பர்னெல், முகமது சிராஜ், விஜய்குமார் வைஷாக்.
