சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது. அந்த வகையில், தங்கம் விலை கடந்த டிச.22ம் தேதி ரூ.1 லட்சத்தை தாண்டி அதிர்ச்சி அளித்தது. தொடர்ந்து ஏற்ற இறக்கத்தை சந்தித்து வந்த தங்கம் விலை நேற்று முன்தினம் (டிச. 27) வரலாறு காணாத வகையில் ரூ.1,04,800க்கு விற்பனையானது.
அதன்படி, நேற்று முன்தினம் தங்கம் விலை ஒரு கிராம் ரூ.13,100க்கும், சவரனுக்கு ரூ.1,04,800க்கும் விற்பனையானது. வெள்ளி விலை ஒரு கிராம் ரூ.285க்கும், ஒரு கிலோ ரூ.2,85,000க்கும் விற்பனை செய்யப்பட்டது. தொடர்ந்து, ஞாயிற்றுக்கிழமையான நேற்று தங்கம் மற்றும் வெள்ளி விலையில் எந்த மாற்றமும் இன்றி அதே விலையில் விற்பனையானது. இந்த நிலையில், தங்கம் விலை இன்று (டிச.29) சற்று குறைந்துள்ளது.
அந்த வகையில், தங்கம் விலை கிராமுக்கு ரூ.80 குறைந்து ரூ.13,020க்கும், சவரனுக்கு ரூ.640 குறைந்து ரூ.1,04,160க்கும் விற்பனையாகிறது. அதேபோல், வெள்ளி விலை கிராமுக்கு ரூ.4 குறைந்து ரூ.281க்கும், கிலோவுக்கு ரூ.4000 குறைந்து ரூ.2,81,000க்கும் விற்பனை செய்யப்படுகிறது.
