பாலிவுட்டில் நடிகர் தனுஷ் கதாநாயகனாக அறிமுகமான திரைப்படம் “ராஞ்சனா”. இந்த படம் தமிழில் “அம்பிகாபதி” என்ற பெயரில் டப் செய்யப்பட்டு வெளிவந்தது.
இத்திரைப்படத்தை ஆனந்த் எல்.ராய் இயக்கியிருந்தார். ஏ ஆர் ரஹ்மான் இசையமைத்திருந்தார். ஹிந்தி, தமிழ் ஆகிய இரு வேறு மொழிகளிலும் ரசிகர்கள் மத்தியில் நல்ல வரவேற்பை பெற்றது.
இதனைதொடர்ந்து, “அம்பிகாபதி” திரைப்படத்தின் கிளைமேக்ஸ் காட்சியை AI தொழில்நுட்பத்தில் மாற்றியமைத்து ரீ-ரிலீஸ் செய்ய உள்ளது.
அதாவது இத்திரைப்படத்தில் தனுஷின் குந்தன் கதாபாத்திரம் கிளைமேக்ஸில் உயிரிழப்பது போல் காட்சிப்படுத்தியிருந்தார்கள். ஆனால் தற்போது தனுஷ் உயிர்பிழைப்பது போல் AI தொழில்நுட்பத்தின் மூலம் மாற்றியமைத்து வருகிற ஆகஸ்ட் 1 ஆம் தேதி ரீ-ரிலீஸ் செய்யப்பட உள்ளதாக தகவல்கள் வெளியாகியுள்ளன.
வரும் ஜூலை 28 ஆம் தேதி தனுஷ் தனது 43 ஆவது பிறந்தநாளை கொண்டாடவுள்ள நிலையில் “அம்பிகாபதி” திரைப்படம் ரீ ரிலீஸ் செய்யப்படவுள்ளது.
