ராகவா லாரன்ஸ் நடிக்கும் சந்திரமுகி 2 படப்பிடிப்பு தொடங்கியது.
நடிகர் ராகவா லாரன்ஸ் கதையின் நாயகனாக நடிக்கும் சந்திரமுகி 2 படத்தின் படப்பிடிப்பு மைசூரில் பூஜையுடன் தொடங்கியிருப்பதாக படக்குழுவினர் அதிகாரப்பூர்வமாக அறிவித்திருக்கிறார்கள். ராகவா லாரன்ஸ் நாயகனாக நடிக்க, வைகை புயல் வடிவேலு முக்கிய வேடத்தில் நடிக்கும் சந்திரமுகி 2 படத்தைப் பற்றிய அதிகாரப்பூர்வமான அறிவிப்பு வெளியானது. தற்போது இந்தப் படத்தின் முதற்கட்ட படப்பிடிப்பு மைசூரில் தொடங்கி இருக்கிறது.
லைகா புரொடக்ஷன்ஸ் சார்பில் தயாரிப்பாளர் சுபாஷ்கரன் பெரும் பொருட்செலவில் சந்திரமுகி 2 எனும் புதிய பிரம்மாண்டத் திரைப்படத்தை தயாரிக்கிறார். சந்திரமுகி படத்தின் முதல் பாகத்தை இயக்கிய பி வாசு இப்படத்தை இயக்குகிறார். லைகா புரொடக்ஷன்ஸ் சார்பில் தயாரிப்பாளர் சுபாஷ்கரன் தயாரிப்பில், அந்நிறுவனத்தின் தலைமை நிர்வாக அதிகாரி ஜி. கே. எம். தமிழ் குமரன் மேற்பார்வையில் உருவாகவிருக்கும் சந்திரமுகி 2 படத்தின் தயாரிப்பு ஒருங்கிணைப்பு பணிகளை பிரபல கலை இயக்குநர் தோட்டா தரணி கவனிக்கிறார். பாகுபலி, ஆர் ஆர் ஆர் பட புகழ் இசையமைப்பாளர் எம்.எம். கீரவாணி இசையமைக்கிறார்.
ஆர். டி. ராஜசேகர் ஒளிப்பதிவு செய்கிறார். ஹாரர் திரில்லர் ஜானரில் தயாராகும் இந்தப் படத்தின் முதற் கட்ட படப்பிடிப்பு மைசூரில் தொடங்கி இருக்கிறது. ரஜினிகாந்த் நடிப்பில் வெளியாகி வெற்றியைப் பெற்ற சந்திரமுகி முதல் பாகத்தை தொடர்ந்து தற்போது இரண்டாம் பாகத்தின் படபிடிப்பு நடைபெற்று வருகிறது. விரைவில் படபிடிப்பை முடிக்க படகுழு திட்டமிட்டுள்ளது.
– தினேஷ் உதய்
