நடிகர் விஷால் நடித்துள்ள ‘’மார்க் ஆண்டனி’’ திரைப்படத்தில் டி.ராஜேந்தர் பாடியுள்ள முதல் பாடலின் ப்ரோமோவை படக்குழு வெளியிட்டுள்ளது.
நடிகர் விஷால் மற்றும் எஸ் ஜே சூர்யா நடிப்பில் ஆதிக் ரவிச்சந்திரன் இயக்கத்தில் ’மார்க் ஆண்டனி’ திரைப்படம் உருவாகி வருகிறது. இந்த படத்தை மினி ஸ்டியோஸ் சார்பாக வினோத் தயாரிக்க, ஜி.வி பிரகாஷ் இசையமைத்துள்ளார்.
’மார்க் ஆண்டனி’ திரைப்படத்தில் நடிகர் விஷால், எஸ். ஜே.சூர்யா உள்ளிட்ட பலரும் வித்தியாசமான கெட்டபில் நடித்துள்ளனர். சமீபத்தில் வெளியான இப்படத்தின் டீசர் பெரும் வரவேற்பை பெற்றது. இதனால் இப்படத்திற்கு எதிர்பார்ப்பு எகிறியுள்ளது.இதன் தொடர்ச்சியாக, ‘’மார்க் ஆண்டனி’’ படத்தின் ‘’அதிருது மாமே’’ என்ற முதல் சிங்கில் பாடலை டி.ராஜேந்தர் பாடியுள்ளார். இதனை ஒட்டி இன்று அந்த பாடலின் ப்ரோமோ வீடியோவை படக்குழு வெளியிட்டுள்ளது. இது சமூக வலைதளங்களில் வைரலாகி வருகிறது. இப்படம் விநாயகர் சதுர்த்தியை முன்னிட்டு திரைக்கு வரும் என ஏற்கனவே நடிகர் விஷால் அறிவித்திருந்தது குறிப்பிடத்தக்கது.
