இந்தியா – வெஸ்ட் இன்டீஸ் அணிகளுக்கு எதிரான இரண்டாவது டி20 போட்டி இன்று நடைபெறுகிறது.
இந்தியாவில் சுற்றுப்பயணம் செய்து வெஸ்ட் இண்டீஸ் கிரிக்கெட் அணி விளையாடி வருகிறது. ஒரு நாள் தொடரை 3-0 என முழுமையாக கைப்பற்றி, இந்திய அணி சாதனை படைத்தது. தொடர்ந்து, இந்தியா- வெஸ்ட் இண்டீஸ் இடையிலான முதலாவது 20 ஓவர் போட்டி கொல்கத்தாவில் நேற்று முன்தினம் நடைபெற்றது.
இப்போட்டியில் இந்திய அணி 6 விக்கெட் வித்தியாசத்தில் வெற்றி பெற்றது. இந்நிலையில், இரண்டாவது டி20 போட்டி கொல்கத்தாவின் ஈடன் கார்டன் மைதானத்தில் இன்று இரவு 7 மணிக்கு தொடங்குகிறது. இப்போட்டியிலும் வென்று தொடரைக் கைப்பற்றும் முனைப்பில் இந்திய அணி களமிறங்க உள்ளது. அதேபோல்,முதல் போட்டியில் ஏற்பட்ட தோல்விக்கு பதிலடி கொடுக்கும் முனைப்பில் வெஸ்ட் இண்டீஸ் அணி உள்ளது.
