பிறப்பு விகிதங்கள் பற்றிய சமீபத்திய ஆய்வு, 2050 ஆம் ஆண்டளவில் மக்கள்தொகை வளர்ச்சி நிறுத்தப்படலாம் என்றும், 2100 ஆம் ஆண்டில் பூமியில் 6 பில்லியன் மக்கள் மட்டுமே இருக்கக்கூடும் என்றும் ஆராய்ச்சியில் தெரிவிக்கிறது.
தற்போதைய போக்குகள் தொடர்ந்தால், உலகின் மக்கள்தொகை நூற்றாண்டின் நடுப்பகுதியில் 8.6 பில்லியனாக அதிகரிக்கும், பின்னர் நூற்றாண்டின் இறுதியில் 2 பில்லியனுக்கும் மேலாக குறையும் என்று இலாப நோக்கற்ற அமைப்பான தி கிளப் ஆஃப் ரோம் நியமித்த ஒரு ஆராய்ச்சி கூறுகிறது.
குறைந்து வரும் மனித மக்கள்தொகை கிரகத்தின் சுற்றுச்சூழலுக்கு சிறிதளவு உதவும், ஆனால், கிரகத்தின் சுற்றுச்சூழல் பிரச்சினைகளைத் தீர்ப்பதில் இது முதன்மையான அங்கமாக இருக்காது.
மக்கள்தொகை சரிவு வேலை செய்யும் வயதுடைய நபர்களின் சதவீதத்தை குறைக்கிறது. மார்ச் 27 அன்று வெளியிடப்பட்ட ஒரு வரைவுத் தாளில், Earth4All கூட்டு (சுற்றுச்சூழல் விஞ்ஞானிகள் மற்றும் பொருளாதாரம் அடங்கிய) ஆராய்ச்சியாளர்கள் தங்கள் முடிவுகளை வழங்கினர்.
ஐ.நா கணிப்புகளின்படி, 2022 இல் இருந்து உலக மக்கள்தொகை 2050 இல் 9.7 பில்லியனாகவும், 2100 ஆம் ஆண்டில் 10.4 பில்லியனாகவும் இருக்கும் என்று எதிர்பார்க்கப்படுகிறது. ஒரு தசாப்தத்திற்கு முன்பு, உலக மக்கள் தொகை 11 பில்லியனை எட்டும் என்று நிபுணர்கள் கணித்துள்ளனர்.
சில மாதிரிகள் பெண்களின் சமூக மற்றும் உடல் சுயாட்சியை பாதிக்கும் மாதிறிகளின் அடிப்படையில் மக்கள்தொகை அதிகரிப்பைக் கணிக்கின்றன. எரிசக்தி இருப்பு, பொருளாதார விநியோகம், உணவுப் பாதுகாப்பு மற்றும் எதிர்காலத்தில் ஏற்படும் காலநிலை மாற்றத்தின் விளைவுகள் அனைத்தும் இதனுடன் தொடர்புடைய பிரச்சினைகளாக பார்க்கப்படுகிறது.
