ஜூலை 23 நடிகர் சூர்யாவின் பிறந்தநாள் அன்று இந்த கங்குவா படத்தின் டீசரை படக்குழு வெளியிட திட்டமிட்டுள்ளதாகவும் தகவல்கள் வெளியாகியுள்ளது.
தமிழ் சினிமாவின் முன்னணி நட்சத்திரமான சூர்யாவின் நடிப்பில் சமீபகாலமாக வெளிவந்த எதற்கும் துணிந்தவன், ஜெய் பீம், சூரரை போற்று உள்ளிட்ட படங்கள் அனைத்தும் ரசிகர்கள் மத்தியில் வரவேற்பை பெற்றது. இந்நிலையில், சிறுத்தை சிவா இயக்கத்தில் தற்போது கங்குவா என்னும் படத்தில் சூர்யா நடித்துவருகிறார்.
ஸ்டுடியோ க்ரீன் தயாரிப்பில் உருவாக்கும் இப்படத்தில் கதாநாயகியாக பிரபல பாலிவுட் நடிகை திஷா பதானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கியக் கதாபாத்திரங்களில் நடிக்கின்றனர். சுமார் பத்துக்கும் மேற்பட்ட மொழிகளில் உருவாகி வரும் இந்த படத்திற்கு, தேவி ஸ்ரீபிரசாத் இசையமைக்கிறார்.
இந்த படத்தின் ஷூட்டிங் விறுவிறுப்பாக நடந்து வருகிறது. இப்படம் பான் இந்தியா படமாக வெளியாக உள்ளது. பல கதாபாத்திரத்தில் நடிப்பதாக சொல்லப்படும் சூர்யா இந்த படத்தின் பிளாஷ்பேக் காட்சிகளுக்காக உடல் எடையை ஏற்றி இருக்கிறார். சமீபத்தில் இவர் உடற்பயிற்சி செய்யும் புகைப்படம் மற்றும் வீடியோக்கள் வெளியாகி வைரலானது.
இந்நிலையில், ஜூலை 23 நடிகர் சூர்யாவின் பிறந்தநாள் அன்று இந்த படத்தின் டீசரை படக்குழு வெளியிட திட்டமிட்டுள்ளதாகவும் தகவல்கள் வெளியாகியுள்ளது. இதனால் சூர்யா ரசிகர்கள் உற்சாகத்தில் உள்ளனர்.
