விடுதலைப் புலிகள் இயக்கத் தலைவர் பிரபாகரனின் ஆரம்பகால வாழ்க்கையைச் சொல்லும் ’மேதகு’ திரைப்படம், ஓடிடி தளத்தில் இன்று வெளியானது.
விடுதலைப் புலிகள் இயக்கத் தலைவர் பிரபாகரனின் ஆரம்பகால வாழ்க்கை வரலாற்றைப் பதிவு செய்யும் விதமாக உருவாக்கப்பட்டுள்ள படம், ’மேதகு’. இதன், கதை, திரைக்கதை, வசனம் எழுதி த.கிட்டு இயக்கியுள்ளார். BS Value என்ற ஓடிடி தளத்தில் இந்தப் படம் இன்று வெளியாகி உள்ளது.
தமிழீழ திரைக்களம் நிறுவனம் தயாரித்துள்ள இந்த திரைப்படத்தை, உலகத்தமிழர்கள் நன்கொடை திரட்டல் வாயிலாகத் தயாரித்துள்ளனர். படத்துக்கு ரியாஸ் ஒளிப்பதிவு செய்துள்ளார். பிரவீன்குமார் இசை அமைத்துள்ளார்.
இயக்குநர் வெற்றிமாறன், சத்யராஜ், சசிகுமார், இசையமைப்பாளர் ஜி.வி பிரகாஷ் உள்ளிட்டோர் தனியாக வீடியோ வெளியிட்டும் ட்விட்டரில் பதிவிட்டும் இந்தப் படத்துக்கு ஆதரவுக்குரல் கொடுத்துள்ளனர்.
இயக்குநர் சசிகுமார், அவரது ட்விட்டர் பக்கத்தில், ’ஈழத்தின் போராட்டத்தையும் அர்ப்பணிப்பையும் உலகுக்கு உரக்கச் சொல்லும் படமாக ’மேதகு’ உருவாகி இருக்கிறது. ஈழத்தின் மீதான உலகளாவிய நற்பார்வை பெருக இந்தப் படம் மகத்தான வெற்றி பெற வேண்டும். வெல்வோம்’ என்று பதிவிட்டிருக்கிறார்.
