அதர்வா நடிப்பில் உருவாகியுள்ள வெப்தொடர் நேரடியாக ஓடிடி தளத்தில் டிஸ்னி ஹாட்ஸ்டார் ஓடிடியில் தமிழ் உள்பட 7 மொழிகளில் நாளை(ஆக.18) வெளியாகிறது.
இயக்குநர் பிரசாத் முருகேசன் இயக்கத்தில் அதர்வா, மணிகண்டன் மற்றும் நிகிலா விமல் நடிப்பில் உருவாகியுள்ள வெப்தொடர் ‘மத்தகம்’. இந்த வெப்தொடரில் கவுதம் மேனன், தில்னாஸ் இராணி, இளவரசு, டிடி (திவ்யதர்ஷினி), வடிவுக்கரசி, அருவி திருநாவுக்கரசு, மூணாறு ரமேஷ், சரத் ரவி, ரிஷி காந்த் மற்றும் முரளி அப்பாஸ் உள்ளிட்ட பலர் முக்கிய கதாபாத்திரத்தில் நடித்துள்ளனர்.
இந்த வெப்தொடரை ஸ்கிரீன் சீன் மீடியா எண்டர்டெயின்மெண்ட் தயாரித்துள்ளது. இதன் டீசர் மற்றும் டிரைலர் சமீபத்தில் வெளியாகி கவனம் பெற்றது. இந்த வெப்தொடருக்கு தர்புகா சிவா இசையமைத்துள்ளார். எட்வின் சாகே ஒளிப்பதிவு செய்துள்ளார்.
இந்நிலையில், இந்த வெப்தொடர் நேரடியாக ஓடிடி தளத்தில் டிஸ்னி ஹாட்ஸ்டார் ஓடிடியில் தமிழ் உள்பட 7 மொழிகளில் நாளை வெளியாகிறது.
