பாஜக ஆட்சியில் இந்தியாவின் கூட்டாட்சிக்கு ஆபத்து ஏற்பட்டுள்ளது என முதலமைச்சர் மு.க.ஸ்டாலின் தெரிவித்துள்ளார். இதுதொடர்பாக தனது எக்ஸ் பக்கத்தில் அவர் தெரிவித்துள்ளதாவது;
“தமிழக ஆளுநரின் அரசியலமைப்பு சட்டத்திற்கு முரணான அத்துமீறல்களையும், பாஜக தலைமையிலான மத்திய அரசின் இழிவான போக்கையும் கண்டித்து இன்று @the_hindu சரியாகவே வலியுறுத்தி வருகிறது.
கடுமையான வார்த்தைகளால் எழுதப்பட்ட தலையங்கம், சட்டமன்றத்தின் மாண்பை குறைக்கும் வகையில் நடந்து கொள்ளும் ஆளுநர் அந்த பதவியில் தொடர அவருக்கு தார்மீக அதிகாரம் இல்லை என்பதை மீண்டும் வலியுறுத்தி இருக்கிறது.
இந்தியா முழுவதும் உள்ள முன்னணி செய்தித்தாள்கள் மற்றும் அரசியலமைப்பு நிபுணர்கள் மீண்டும் மீண்டும் கண்டனம் செய்வதிலிருந்து மாநிலத்தின் பெயரளவிலான தலைவரான ஆளுநரோ அல்லது அவரது செயல்களை தொடர்ந்து பாதுகாத்து வளர்க்கும் டெல்லியில் உள்ள அவரது பாஜக எஜமானர்களோ எதையும் கற்றுக்கொள்ளவில்லை என்பது திகைப்பூட்டும் வகையில் உள்ளது.
எதிர்க்கட்சிகள் ஆளும் மாநிலங்களில் ஆளுநர்களின் வெறுக்கத்தக்க மற்றும் அரசியலமைப்புக்கு முரணான செயல்களை ஒழுங்குபடுத்துவதற்குப் பதிலாக, அரசியல் பகைகளைத் தீர்த்துக்கொள்ள மத்திய அரசு இத்தகைய அத்துமீறல்களுக்கு வெகுமதி அளிக்கிறது. பாஜக ஆட்சியின் கீழ் இந்தியாவின் கூட்டாட்சித் தத்துவம் ஆபத்தில் உள்ளது” எனக் குறிப்பிட்டுள்ளார்.
