சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது. அந்த வகையில், தங்கம் விலை கடந்த 15ம் தேதி ஒரு கிராம் ரூ.12,515 க்கும், சவரன் ரூ.1,00,120க்கும் விற்பனை ஆனது. தொடர்ந்து தங்கம் விலை ஏற்ற இறக்கத்தை சந்தித்து வந்தது.
அந்த வகையில், தங்கம் விலை நேற்று கிராமுக்கு ரூ.50 உயர்ந்து ரூ.12,400க்கும், சவரனுக்கு ரூ.400-ம் உயர்ந்து ரூ.99,200-க்கும் விற்பனை செய்யப்பட்டது. அதேபோல், வெள்ளி விலை வரலாறு காணாத புதிய உச்சத்தை எட்டியது. இதன்படி, வெள்ளி விலை கிராமுக்கு ரூ.11 உயர்ந்து ரூ.222க்கும், கிலோவுக்கு ரூ.11 ஆயிரமும் உயர்ந்து ரூ.2 லட்சத்து 22 ஆயிரத்திற்கும் விற்பனை செய்யப்பட்டது.
இந்த நிலையில், தங்கம் விலை இன்று அதிரடியாக உயர்ந்துள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.40 உயர்ந்து ரூ.12,440க்கும், சவரனுக்கு ரூ.320 உயர்ந்து ரூ.99,520க்கும் விற்பனையாகிறது. அதேபோல், வெள்ளி விலை கிராமுக்கு ரூ.2 உயர்ந்து ரூ.224க்கும், கிலோவுக்கு ரூ.2 ஆயிரம் உயர்ந்து ரூ.2,24,000க்கும் விற்பனை செய்யப்படுகிறது.
