நெல்லை மேலப்பாளையம் கால்நடை சந்தையில் 4 கோடி ரூபாய்க்கு ஆடுகள் விற்பனையாகின.
தீபாவளிப் பண்டிகையை முன்னிட்டு நெல்லை மேலப்பாளையம் கால்நடை சந்தையில் 4 கோடி ரூபாய்க்கு ஆடுகள் விற்பனையாகின. மற்ற நாட்களில் 8 ஆயிரம் ரூபாய்க்கு விற்பனையாகும் ஓர் ஆடு, தீபாவளிப் பண்டிகை என்பதால் 15 ஆயிரம் ரூபாய்க்கு விற்பனையானது.
ஆடுகளின் விலை அதிகரித்து காணப்பட்டாலும் பல்வேறு பகுதிகளில் இருந்து வந்திருந்த வியாபாரிகள் ஆடுகளை போட்டி போட்டு வாங்கிச் சென்றனர். ஆடுகள் விற்பனை அமோகமாக நடைபெற்றதால் கால்நடை வளர்ப்பு விவசாயிகளும் வியாபாரிகளும் மகிழ்ச்சி அடைந்தனர்
