ஜூலை 17 அன்று அமெரிக்க விஞ்ஞானியும் பெண்கள் உரிமை ஆர்வலருமான யூனிஸ் நியூட்டன் ஃபுட்டின் 204வது பிறந்தநாளை முன்னிட்டு சிறப்பு டூடுலை உருவாக்கியுள்ளது.
‘கிரீன் ஹவுஸ் எஃபெக்டை’ கண்டுபிடித்தவர் யூனிஸ் நியூட்டன். அவருடைய இந்த பங்களிப்பு நமது பூமிக்கு மிகவும் முக்கியமானது. கிரீன்ஹவுஸ் விளைவு என்ன, பூமியின் தொடர்ச்சியான வெப்பமயமாதலில் அதன் பங்களிப்பு என்ன என்பதைப் பற்றி முதலில் கண்டுபிடித்தவர் யூனிஸ் நியூட்டன்.
யூனிஸ் நியூட்டன் ஃபுட் யார்?
கூகுளின் கூற்றுப்படி, யூனிஸ் நியூட்டன் ஃபுட் ஜூலை 17, 1819 அன்று கனெக்டிகட்டில் பிறந்தார். அவர் டிராய் பெண் செமினரி என்ற பள்ளியில் படித்தார். இந்த பள்ளி அதன் மாணவர்கள் அறிவியல் விரிவுரைகளில் கலந்துகொள்வதற்கும் வேதியியல் ஆய்வகங்களில் பங்கேற்பதற்கும் மிகவும் பிரபலமானது. பள்ளியின் இந்த ஊக்கத்துடன், அறிவியலும் அது தொடர்பான கண்டுபிடிப்புகளும் விஞ்ஞானி ஃபுட்டின் வாழ்க்கையின் ஒரு பகுதியாக மாறியது. இது மட்டுமின்றி யூனிஸ் நியூட்டன் ஃபுட் பெண்களின் உரிமைகள் தொடர்பாகவும் அக்காலகட்டத்தில் பல விஷயங்களைச் செய்தார். 1848 இல், சினேசா நீர்வீழ்ச்சியில் நடந்த முதல் பெண்கள் உரிமை மாநாட்டில் கலந்து கொண்டார்.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
யூனிஸ் நியூட்டன் ஃபுட்டின் கண்டுபிடிப்பு எவ்வளவு முக்கியமானது?
விஞ்ஞானி ஃபுட், பெண்கள் அறிவியலில் அதிக ஈடுபாடு கூட இல்லாத நேரத்தில், பசுமை இல்ல விளைவைக் கண்டுபிடித்தார். பெண்கள் அறிவியலுக்கும் அது தொடர்பான கண்டுபிடிப்புகளுக்கும் தகுதியானவர்கள் என்று அந்த காலத்தில் கருதப்படவில்லை. அந்த நேரத்தில், யூனிஸ் நியூட்டன் ஃபுட் ஒரு கண்ணாடி சிலிண்டருக்குள் பாதரச வெப்பமானியை வைத்து கார்பன் டை ஆக்சைடு கொண்ட சிலிண்டர் சூரிய ஒளியில் அதிக வெப்பமடைவதைக் கண்டுபிடித்தார். அதாவது அதிக கார்பன் டை ஆக்சைடு, அதிக வெப்பம்.
இரண்டு கண்டுபிடிப்புகளை நிகழ்த்திய ஒரே பெண் விஞ்ஞானி
பசுமை இல்ல விளைவு குறித்த கண்டுபிடிப்பிற்கு பிறகு யூனிஸ் நியூட்டன் ஃபுட்டின் இரண்டாவது கண்டுபிடிப்பு வளிமண்டல நிலையான மின்சாரம். இவை இரண்டும் அமெரிக்காவில் ஒரு பெண் விஞ்ஞானியின் முதல் கண்டுபிடிப்பு. 1856 ஆம் ஆண்டில் தனது படைப்புகளை அறிவியல் முன்னேற்றத்திற்கான அமெரிக்க சங்கத்திற்கு வழங்கினார். அதன் பிறகு பசுமை இல்லத்தில் பல சோதனைகள் செய்யப்பட்டு பூமியில் கரியமில வாயு எவ்வாறு பூமியின் வெப்பத்தை அதிகரிக்கிறது என்பதை அறிய உதவியது.
