காமன்வெல்த் மகளிர் குத்துச்சண்டை போட்டியில் இந்தியாவின் நிகத் ஜரீன் தங்கம் வென்று சாதனை படைத்துள்ளார்.
72 நாடுகள் பங்கேற்றுள்ள 22-வது காமன்வெல்த் விளையாட்டு போட்டி இங்கிலாந்தின் பர்மிங்காம் நகரில் நடைபெற்று வருகிறது. இந்தியா இதுவரை 16 தங்கம், 12 வெள்ளி, 17 வெண்கலம் என மொத்தம் 45 பதக்கங்களை வென்றுள்ளது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
10-வது நாளான இன்று பல்வேறு விளையாட்டுகளில் இந்திய வீரர், வீராங்கனைகள் கலந்து கொண்டு விளையாடி வருகின்றனர். ஆண்களுக்கான குத்துச்சண்டையில் 51 கிலோ எடை பிரிவில் இறுதி போட்டியில் இந்தியாவின் அமித் பங்கால் தங்கம் வென்றார். இதேபோல் மகளிருக்கான குத்துச்சண்டை பிரிவில் 45-48 கிலோ எடை பிரிவில் நிது கங்காஸ் தங்கம் வென்றார். மேலும் மகளிர் ஆக்கி போட்டியில் இந்திய அணி வெண்கலம் வென்று வரலாறு படைத்துள்ளது.
இதேபோல் பெண்களுக்கான குத்துச்சண்டையில் இந்தியாவின் நிகத் ஜரீன் தங்கம் வென்று சாதனை படைத்துள்ளார். இதேபோல் பெண்களுக்கான ஈட்டி எறிதல் போட்டியில் இந்தியாவின் அனு ராணி வெண்கல பதக்கம் வென்றுள்ளார். இதனால் காமன்வெல்த் போட்டியில் இந்தியாவின் பதக்க எண்ணிக்கை 47 ஆக உயர்ந்துள்ளது.
