10-ம் வகுப்பு, 12ம் வகுப்பு பொதுதேர்வுகள் தொடங்கும் தேதிகளை பள்ளிக்கல்வித்துறை அமைச்சர் அன்பில் மகேஸ் அறிவித்தார்.
சென்னை தலைமை செயலகத்தில் செய்தியாளர்களிடம் பேசிய அவர், 10-ம் வகுப்பு பொதுத்தேர்வு, மே 6-ம் தேதி முதல் மே 30-ம் தேதி வரை நடைபெறும் எனக் கூறினார்.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
11-ம் வகுப்பு பொதுத்தேர்வு மே 9-ம் தேதி முதல் மே 31-ம் தேதி வரை நடைபெறும் எனவும், 12-ம் வகுப்பிற்கான பொது தேர்வு மே 5-ம் தேதி முதல் மே 28-ம் தேதி வரையிலும் நடபெறும் என தெரிவித்தார்.
அதோடு, தேர்வு முடிவுகளைப் பொறுத்தவரையில், தோராயமாக 10-ம் வகுப்பிற்கு 17ம் தேதியும், 11-ம் வகுப்புகளுக்கு ஜூலை 7-ம் தேதியும், 12ம் வகுப்புக்களு ஜூன் 23-ம் தேதியும் வெளியிடப்படும் என அமைச்சர் அன்பில் மகேஸ் அறிவித்தார்.
தொடர்ந்து பேசிய அவர், 11,12-ம் வகுப்பு பொதுத்தேர்வுக்கான செய்முறைத் தேர்வு ஏப்ரல் 25-ம் தேதி முதல் மே 2 வரை நடைபெறும் எனவும் அறிவித்தார்.
மேலும், 10 மற்றும் 11,12-ம் வகுப்புகளுக்கான பொதுத்தேர்வு அட்டவணை (dge.tn.gov.in, tnschools.gov.in) இணையதளங்களில் வெளியிடப்படும் என்ற அவர், 12ம் வகுப்புகளுக்கான வினாத்தாள் வெளியான விவகாரத்தில் தவறுக்கு காரணமானவர்கள் மீது கடும் நடவடிக்கை எடுக்கப்பட்டுள்ளதாகவும் தெரிவித்தார்.
