இந்திய அணியின் முன்னாள் கேப்டன் விராட் கோலி இன்ஸ்டாகிராமில் ஒரு பதிவின் மூலம் அதிக வருமானம் ஈட்டும் இந்தியர் என்ற பெருமையை பெறுகிறார்.
இந்திய அணியின் மிக முக்கியமான பேட்ஸ்மேன் விராட் கோலி இந்த ஆண்டு அவர் வழக்கமாக அதிரடி ஆட்டத்தை வெளிப்படுத்தாமல் இருக்கலாம், ஆனால் அவர், புகைப்படம் மற்றும் வீடியோ பிளாக்கிங் தளமான Instagram இல் அதிக வருமானம் ஈட்டும் இந்தியராக இருக்கிறார்.
அதன்படி, விராட் கோலி இன்ஸ்டாகிராமில் பதிவிடும் ஒவ்வொரு ஸ்பான்சர் செய்யப்பட்ட பதிவிற்கும் ரூ.14 கோடி கட்டணமாக பெறுகிறார். கால்பந்து ஜாம்பவான் கிறிஸ்டியானோ ரொனால்டோ இந்த பட்டியலில் முதலிடத்திலும், அவரது பரம எதிரியான லியோனல் மெஸ்ஸி இரண்டாவது இடத்திலும் உள்ளார்.
ரொனால்டோவைப் பொறுத்த வரையில் அவர் 3.23 மில்லியன் அமெரிக்க டாலர்கள் அதாவது சுமார் 26.75 கோடி ரூபாயை ஒரு பதிவிற்குக் கட்டணமாக பெறுகிறார். மறுபுறம், மெஸ்ஸி ஒரு இன்ஸ்டாகிராம் இடுகைக்கு 2.56 மில்லியன் வசூலிக்கிறார். இது இந்திய மதிப்பில் 21.49 கோடி ரூபாய் ஆகும்.
உலக அளவில் டாப் 20 பட்டியலில் இடம் பிடித்த ஒரே இந்தியர் என்ற பெருமையை விராட் கோலி பெறுகிறார். இந்த பட்டியலில் மற்றொரு இந்தியரான பாலிவுட் மற்றும் ஹாலிவுட் நடிகை பிரியங்கா சோப்ரா 29-வது இடத்தைப் பிடித்துள்ளார். அவர் ஒரு பதவிக்கு 532,000 (ரூ 4.40 கோடி) பெறுகிறார்.
