உலகக் கோப்பை 2023 தொடருக்கான 15 பேர் கொண்ட இந்திய அணி வீரர்கள் அணி அறிவிக்கப்பட்டுள்ளது.
இந்தியாவில் வரும் அக்டோபர், நவம்பர் மாதங்களில் 50 ஓவர் உலகக்கோப்பை தொடர் நடைபெற உள்ளது. இந்த தொடரில் இந்தியா, பாகிஸ்தான், ஆஸ்திரேலியா, நியூசிலாந்து, இங்கிலாந்து உள்ளிட்ட 10 அணிகள் கலந்து கொள்கின்றன. அக்டோபர் 5-ம் தேதி நடைபெற உள்ள தொடக்க ஆட்டத்தில் இங்கிலாந்தும், நியூசிலாந்தும் அகமதாபாத்தில் மோத உள்ளன.
இந்த உலகக் கோப்பை தொடரானது, சென்னை, பெங்களூரு, மும்பை, புனே, ஹைதராபாத், டெல்லி, தர்மசாலா, அகமதாபாத், லக்னோ, கொல்கத்தா ஆகிய 10 மைதானங்களில். இந்த நிலையில், தான் உலகக் கோப்பைக்கான இந்திய அணி வீரர்கள் தற்போது அறிவிக்கப்பட்டுள்ளனர்.
இந்திய அணி: ரோஹித் ஷர்மா (கேப்டன்), விராட் கோலி, ஜஸ்பரீத் பும்ரா, ஹார்திக் பாண்டியா, ஷுப்மன் கில், கே.எல்.ராகுல், ஷ்ரேயஸ் ஐயர், ரவீந்திர ஜடேஜா, முகமது சிராஜ், முகமது ஷமி, குல்தீப் யாதவ், அக்சர் படேல், இஷான் கிஷன், சூர்யகுமார் யாதவ்.
இந்திய அணியில் ரவிச்சந்திரன் அஸ்வின் இடம்பெறவில்லை. அதே சமயம் ஹர்திக் பாண்டியா துணை கேப்டனாக நியமனம் செய்யப்பட்டுள்ளார். சஹாலுக்கு பதில் குல்தீப் யாதவ் அணியில் இடம்பிடித்துள்ளார்.
