39 C
Chennai
May 29, 2024
சினிமா

மிகவும் பிரம்மாண்டமாக தயாராகும் சார்பட்டா 2…? – லேட்டஸ்ட் அப்டேட்…!

சார்பட்டா 2 படத்தின் பட்ஜெட் குறித்து சுவாரஸ்யமான தகவல் வெளியாகியுள்ளது.

இயக்குனர் பா.ரஞ்சித் இயக்கத்தில் நடிகர் ஆர்யா நடிப்பில் கடந்த 2021-ஆம் ஆண்டு ஓடிடியில் வெளியான திரைப்படம் தான் ‘சார்பட்டா பரம்பரை’. இந்த திரைப்படத்தில் ஆர்யாவுக்கு ஜோடியாக நடிகை துஷாரா விஜயன் நடித்து இருந்தார்.சஞ்சனா நடராஜன், ஆர்யா , ஜான் கொக்கன், சந்தோஷ் பிரதாப், பசுபதி, ஜான் விஜய், பிரியதர்ஷினி ராஜ்குமார், அனுபமா குமார், கலையரசன் உள்ளிட்ட பல பிரபலங்களும் படத்தில் முக்கியமான கதாபாத்திரங்களில் நடித்திருந்தார்கள்.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

இந்த திரைப்படத்திற்கு இசையமைப்பாளர் சந்தோஷ் நாராயணன் இசையமைத்து இருந்தார். இந்த திரைப்படம் திரையரங்குகளில் ரிலீஸ் ஆகும் என ரசிகர்கள் பலரும் எதிர்பார்த்து காத்திருந்த நிலையில், கொரோனா பிரச்சனை காரணமாக படம் நேரடியாக ஓடிடியில் வெளியானது. ஓடிடியில் படம் சூப்பர் ஹிட் ஆகி திரையரங்குகளில் வெளியாகவில்லயே என்ற வருத்தத்தை கொடுத்தது என்று கூட சொல்லலாம்.

அப்படி வருத்தம் அடைந்த ரசிகர்களுக்காகவே ‘சார்பட்டா பரம்பரை’ 2 படம் உருவாகவுள்ளதாகவும், அந்த படம் நேரடியாக திரையரங்குகளில் வெளியாகும் எனவும் அதிகாரப்பூர்வமாக அறிவிக்கப்பட்டு விட்டது. இந்த படத்திற்கான படப்பிடிப்பு விரைவில் தொடங்கப்படவுள்ளது நேற்று படத்திற்காக ஆர்யா தீவிரமாக பாக்சிங் பயிற்சி செய்யும் வீடியோவும் சமூக வலைத்தளங்களில் வைரலானது.

இந்த நிலையில், தற்போது அதனை தொடர்ந்து தற்போது சார்பட்டா பரம்பரை 2 படம் எத்தனை கோடி பட்ஜெட்டில் உருவாகவுள்ளது என்பது குறித்த தகவல் வெளியாகி இருக்கிறது. அதன்படி, சார்பட்டா பரம்பரை 2 படம் மொத்தமாக 90 கோடி அளவில் பிரமாண்டமாக உருவாகவுள்ளதாம். ஆர்யா சினிமா கேரியரில் அதிக பட்ஜெட்டில் உருவாகும் படமாகவும் இந்த படம் இருக்குமாம். விரைவில் படத்தில் நடிக்கும் நடிகர்கள் குறித்த தகவல்கள் வெளியாகும் என்பது குறிப்பிடத்தக்கது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.

Share to KooShare to WhatsappShare to PinterestShare to Telegram

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy

Discover more from News7 Tamil

Subscribe now to keep reading and get access to the full archive.

Continue reading