வெள்ளை மாளிகையில் நடைபெற உள்ள விருந்து நிகழ்ச்சியில் பிரதமர் மோடி இன்று கலந்து கொள்கிறார். அவருக்கு பரிமாறப்படும் உணவில் என்னென்ன உள்ளது என்பது குறித்து பார்க்கலாம்.
அமெரிக்க அதிபர் ஜோ பைடன் அழைப்பின் பேரில் அமெரிக்கா புறப்பட்டுச் சென்றுள்ள பிரதமர் மோடி, 23-ம் தேதி வரை அமெரிக்காவில் தங்கியிருந்து பல்வேறு நிகழ்ச்சிகளில் பங்கேற்கிறார். நேற்று நியூயார்க்கில் உள்ள ஐ.நா தலைமையகத்தில் நடைபெற்ற சர்வதேச யோகா தின நிகழ்ச்சியிலும் பிரதமர் மோடி பங்கேற்றார்.
குறிப்பாக ஐக்கிய நாடுகள் சபை அலுவலகத்தில் நடைபெற்ற பிரம்மாண்ட யோகா தின கொண்டாட்டத்தில் தலைமை தாங்கி பங்கேற்றார். பின்னர், வாஷிங்டனில் உள்ள ஆண்ட்ரூஸ் விமான தளத்திற்கு வந்தடைந்ததும், பிரதமர் நரேந்திர மோடிக்கு அரசு மரியாதையுடன் வரவேற்பு அளிக்கப்பட்டது.
வெள்ளை மாளிகை வந்த பிரதமர் மோடியை அமெரிக்க அதிபர் பைடன், அவரது மனைவி ஜில் டைபன் ஆகியோர் வரவேற்றனர். அப்போது பிரதமர் மோடிக்கு அதிபர் பைடன் பழமையான புத்தகம் மற்றும் கோட்டக் கேமரா, ராபர்ட் ஃப்ரோஸ்டின் எழுதிய கவிதையின் முதல் பதிப்பு உள்ளிட்டவற்றை பரிசாக வழங்கினார். பின்னர் அமெரிக்க அதிபர் ஜோ பைடன் மற்றும் அவரது மனைவி ஜில் பைடன் இணைந்து வழங்கிய அரசு விருந்தில் பிரதமர் நரேந்திர மோடி தலைமை விருந்தினராக கலந்துகொண்டார். இதனையடுத்து அமெரிக்க நாடாளுமன்ற கூட்டுக் குழு கூட்டத்தில் உரையாற்றினார்.
இதன் பின்னர் இன்று வெள்ளை மாளிகையில் நடைபெற்ற விருந்து நிகழ்ச்சியில் பிரதமர் மோடி கலந்து கொண்டார். அவருக்கு பிரத்யேகமாக சைவ உணவு தயாரிக்கப்பட்டது. பிரதமர் மோடிக்கு அளிக்கப்பட்ட உணவில் மூன்று வகையான உணவுகள் பரிமாறப்பட்டன.
முதல் உணவாக திணை மற்றும் சோளத்தில் தயாரிக்கப்பட்ட உணவும், தர்பூசணி பழச் சாறு மற்றும் அவகடா சாஸ் ஆகியவை பறிமாறப்பட உள்ளன. அதேபோல பிரதான உணவாக காளான்களால் தயாரிக்கப்பட்ட உணவு மற்றும் குங்குமப்பூவில் தயாரிக்கப்பட்ட கிரீமி ரெஸட்டோ ஆகியவை தயார் செய்யப்பட்டன.
கடைசியாக இனிப்பான உணவாக ஸ்ட்ராபெர்ரி , ரோஜா பூ மற்றும் ஏலக்காய் சேர்த்து தயாரிக்கப்பட்ட டெஸ்ஸர்ட் வகை கேக் , மற்றும் படேல் எனும் மதுபானமும் வழங்கப்படுகிறது. இந்த மதுபானம் இந்திய மதிப்பில் ரூ.6000 ஆகும். இந்த விருந்தில் மொத்தம் 400பேர் கலந்து கொண்டது குறிப்பிடத்தக்கது.
